ESTER 7:4 - BALA LUK DO'

⁴ Ui ini idi pupuku pangeh pinasui pad miak pitayen macing mabud. Kudeng kai pisuen mangun ku demulun, kali' rungen ui ungeng idi na ngesusa' raca' ku dereh kai.”

ESTER 7:4 Iomraidhean Croise

NEHEMIA 5:5

Petulu kai ngalap amung-amung luk lapen lun Yahudi luk baken. Anak kai mepad do' kudeng anakdeh. Iamo' na miak na anak kai mangun ku demulun. Sebuang anak kai luk decur pangeh pinasui mangun ku demulun. Kai pelaba laya' ngaceku lati' idi kabun anggur kai pangeh ilap rat nekai.”

ESTER 3:13

Idi lun duken nupun nated bala ineh amé' nan anid babpat imet ineh. Maya' ukum ineh amung lun Yahudi luk rayeh idi luk isuut, do' decur idi anak pana' miak pitayen bang seaco, ieh ineh pulu' teluh aco bulan Adar. Ideh pitayen dengan na méi', idi binawehdeh lapen.

ESTER 3:9

Kudeng ineh pianmu, nganau' aceh ukum pad ideh pitayen. Kudeng iko nganau' kudeng ineh ui pejani' maré 10,000 balad pirak bang kas raca' ku mayar raga imet ini.”

ESTER 7:5

Idi Raca' Ahasuiras nengitun ni Ester, kebalaneh, “Idéké mekuu' nganau' luk kudeng ineh? Iapehké lemulun ineh?”

ESTER 7:6

Idi kebala Ester, “Bunu' kai idi lun luk ngedereh nekai, ieh ineh lemulun ini luk dat, Haman!” Idi Haman pelaba tot.

ESTER 8:11

Surat ineh nengegala' ratnan raca' nima' nelun Yahudi bang anid bawang temina' matar burudeh. Kudeng lun pebunu' rat bang babpat sapeh pana' ngerieng nedeh, ideh miak ngua' idi ngaté nedeh perapu dengan awan idi anakdeh. Ideh miak ngaté nedeh macing mabud idi ngalap binawehdeh.

ESTER 8:6

Kudeng apehké ui tuman kudeng susa' ini macing kuan pupuku, pad pupuku sebuleng pitayen?”

ESTER 9:25

Iamo' Ester iné' matun raca', idi raca' nemaré ukum luk inayud, pad Haman sebuleng nekaneh ukum luk tinina'neh kuan lun Yahudi. Ieh idi anakneh tikito luun su luk inan ngekito lemulun.

DANIEL 6:2

Idi ieh nemili' ni Daniel dengan dueh burur lun baken mangun ku lun ngimet pa luun pengulu ineh idi teh ngedengan raca'.

YOEL 3:6

Muyuh pangeh nenguit lemulun rat Yahuda idi Yerusalim mado rat bawangdeh sebuleng, idi nemasui nedeh kuan lun Grika.

AMOS 2:6

Kebala Tuhan, “Lun Israil megéi' nganau' sala'. Kali' rungen Ui ngukum nedeh, ngaceku ideh masui nelun luk na mesala' ngaceku na mayar balehdeh, idi ideh masui lun masi' luk na miak mayar raga kasut pana' mangun ku demulun.

LUKAS 12:45

Iamo' kudeng demulun ineh pebala bang niatneh, ‘Tuanku mio macing,’ idi ieh ngimun mebal demulun deléi idi decur pana', idi kuman idi ngirup macing mabuk,

BADA' RATNAN UKUM 28:68

Idi Tuhan miak nguit nemuyuh lemubed amé' bawang Masir maya' alud, sagan tu pana' Ieh nepejani' muyuh na miak lemubed amé' déi'. Idi su ineh muyuh pian masui burur muyuh kuan bunu' muyuh mangun ku demulun deléi idi decur mo'. Iamo' na lun melih nemuyuh.”

YUSAK 9:23

Ngaceku ineh muyuh kumin Allah. Idi rat pad sini sebuang muyuh megéi mangun ku lun duken ngapak kayuh idi ngereb abpa' kuan Ruma' Allahku.”

SEMUIL LUK PUN-PUN 22:23

Idi nekini, do' iko tudo denganku. Aleg iko matot. Ngaceku lun luk sikal ngaté negku, kali' rungen ieh luk sikal ngaté namu teh. Iamo' kudeng iko maya' negku na iko mesusa'.”