ESTER 6:6 - BALA LUK DO'

⁶ Haman nesemuet, idi kebala raca' neneh, “Inan seburur lemulun luk ui pian uen ngedita'. Anunké luk petulu ruenku kuan lemulun ineh?” Idi Haman nengerawé, “Idéké luk belén raca' uen ngedita' lek? Kali' rungen ui lek.”

ESTER 6:6 Iomraidhean Croise

ESTER 1:15

Kebalaneh kuan lemulun ineh, “Ui ini, Ahasuiras nengecuk demulunku nguit balaku kuan Raca' Decur Basti, iamo' ieh ara' maya' bala ineh! Anunké ukum tau luk petulu kuanneh?”

ESTER 5:11

Ieh nepebala dengan medita' niat ratnan binawehneh luk mula', ratnan kinula' anak deléineh, idi teh ratnan kudeng apeh raca' nengikit neneh, idi ratnan ieh mebala meluun ratnan lun rayeh raca' luk baken.

ESTER 6:11

Idi Haman nengalap kuyuh' idi kuda raca'. Ieh nengayung Mordekai ku kuyu' ineh. Idi Mordekai nemaya' luun kuda, idi Haman nenguit neneh nalan lemaba bawang idi nengitang kuan lun mula' maya' dalan, “Do' nier ua' raca' kuan lemulun luk ruenneh ngedita'!”

ESTER 6:5

Idi kebala lun duken raca', “Haman idi tungé' pian papu' namu.” Idi kebala raca', “Mutuh neneh semuet.”

ESTER 6:7

Idi ieh nengor bala raca', “Do' nguit kuyu raca' luk pangeh pikaimu kuan lemulun ini. Idi ngayung bang tang kudamu ku belawan luk do'.

ESTER 6:9

Idi ngecuk lunmu luk meluun rayeh ngayung lemulun ineh ku kuyu'mu ineh, idi nguit neneh maya' luun kuda nalan lemaba bawang. Idi ngecuk lun rayehmu ngitang kareb didueh nalan: ‘Do' nier ua' raca' kuan lemulun luk ruenneh ngedita'!’ ”

NANI UBUR 35:27

Nima' nelun luk pian nier negku ruen matu ngitang ku awang niat idi megéi' pebala, “Tuhan ineh rayeh, idi Ieh mawang niat, ngaceku tueh demulunNeh!”

BALE' 1:32

Lemulun luk na pekalai maté ngaceku ideh ngarung ileh. Lun luk mebacé maté ngaceku na ngerawé ileh.

BALE' 16:18

Dita' niat ngacing até, idi lemulun luk mesido' niat mebpeh.

BALE' 18:12

Lemulun luk mebeneh niat mo' miak buren. Lemulun luk medita' niat ngacing susa' kuan bururneh sebuleng.

BALE' 30:13

Inan lemulun luk ngerawé bururdeh do'. Matu, pelaba do' sen!

YESAYA 42:1

Kebala Tuhan, “Ini DemulunKu luk uenKu ngetueh — Lun luk pinili'Ku luk inanKu mawang niat. Ui nemanu' Neneh ku laludKu; Ieh ngacing luk mesiri kuan amung pupu.

YEREMIA 32:41

Idi dengan mawang niat Ui miak ngeperuan nedeh, idi dengan amung niatKu Ui miak ngeletep nedeh ruked-ruked bang bawang ini.

OBADIA 1:3

Dita' niatmu pangeh nenaluk namu. Iko tudo bang libung batu luk meraben; ruma'mu déi' luun pegkung, idi kebalamu kuan bururmu sebuleng, ‘Idéké luk miak ngusag negku?’

MATIUS 3:17

Idi inan aceh tang rat bang langit luk nepebala, “Ini AnakKu luk inanKu mawa, idi Ui mawang niat Neneh.”

LUKAS 14:9

idi lemulun luk pangeh nenawar namu macing idi pebala namu, ‘Maré luk inan ineh kuan lemulun ini,’ idi dengan migu' mo' iko amé' tudo su luk pa beneh tu-tu.

YAHYA 5:23

pad amung-amung lemulun miak gedita' Anak ineh mepad kudeng ideh ngedita' Taman ineh mepad kudeng ideh ngedita' Taman ineh teh. Lemulun luk na ngedita' Anak ineh, idi ieh pana' na ngedita' Taman luk nengecuk Neneh.