ESTER 6:4 - BALA LUK DO'

⁴ Kebala raca' “Inanké lun rayehku tungé' ruma'ku?” Idi Haman, luk pian mutuh raca' ngekito Mordekai su luk inan ngekito luk pangeh tinana'neh, iné' luun natad.

ESTER 6:4 Iomraidhean Croise

ESTER 4:11

kebalaneh, “Kudeng idé-idé deléi idi decur amé' luun natad luk bal alad pian papu' raca' dengan na tinawar, lemulun ineh kali' rungen pitayen. Ieh ineh ukum raca'; amung-amung lemulun, ratnan lun rayeh-rayeh raca' macing nan anak itin luk tudo bang babpat-babpat imet, kali' ineh. Seburur pana' nateh miak mepuit ratnan ukum ineh, kudeng raca' na natang rukudneh luk ratnan amas, pad lemulun ineh na pitayen. Iamo' sebulan kinioneh raca' na nenawar negku.”

ESTER 5:1

Aco luk keteluh kareb ieh mawa', Ester nengayung ku ayung raca' decur, idi ieh iné' tuped luun natad luk bal alad ruma' raca' petutup tekep kerusi raca'. Raca' idi luun kerusineh.

ESTER 5:14

Idi kebala awanneh idi amung lun rurumneh, “Do' iko ngecuk nelun nganau' aceh luk inan ngekito lemulun, kidita'neh 12 depeh setangal. Pekak nebpa iko miak mutuh raca' ngekito Mordekai luun ineh, pelé iko amé' ku irau ineh dengan mawang niat.” Idi Haman mawang niat ku bala ineh; idi ieh nemudut luk inan ngekito lemulun ineh.

ESTER 6:3

Idi raca' nengitun, kebalaneh, “Pangehké tau ngedita' idi ngua' do' Mordekai ineh?” Idi kebala lun dukenneh, “Na luk inau' kuanneh.”

ESTER 6:5

Idi kebala lun duken raca', “Haman idi tungé' pian papu' namu.” Idi kebala raca', “Mutuh neneh semuet.”

ESTER 7:9

Idi kebala sebururdeh, ieh ineh Harbona, “Haman pangeh nemudut aceh su luk inan ngekito ni Mordekai déi' ruma'neh, kidita'neh 12 depeh setangal! Idi Mordekai ineh luk nengulun raca'.” Idi kebala raca', “Ngekito Haman luun ineh!”

NANI UBUR 2:4

Tuhan meriruh ratnan KerusiNeh déi' surga, idi situnga nedeh.

NANI UBUR 33:19

Ieh muit nedeh ratnan até idi ngulun nedeh kareb lau.

LUN LUK MADA' 9:10

Do' mekél nganau' amung kekamenmu, ngaceku su luk inan até — su luk ulekmu ineh, na luk idi kekamen, terawé, ileh, idi do' kali'.