ESTER 5:10 - BALA LUK DO'

¹⁰ Iamo' ieh nengimet bururneh sebuleng idi ieh nuli'. Ieh nenawar lun rurumneh iné' ruma'neh, idi nemutuh awanneh Serés maya' nedeh.

ESTER 5:10 Iomraidhean Croise

PUDUT 45:1

Idi Yusup na miak tuman pa kiung amung-amung lun dukenneh; idi ieh nengecuk nedeh buro. Idi na seburur pana' ketecan denganneh kareb Yusup nengegala' bururneh kuan amung kinanakneh.

ESTER 5:11

Ieh nepebala dengan medita' niat ratnan binawehneh luk mula', ratnan kinula' anak deléineh, idi teh ratnan kudeng apeh raca' nengikit neneh, idi ratnan ieh mebala meluun ratnan lun rayeh raca' luk baken.

ESTER 6:13

Idi ieh nemada' awanneh idi lun rurumneh ratnan luk nangun kuanneh. Idi kebala awanneh idi lun rurumneh luk mileh ineh neneh, “Iko ngimun uen ngebeneh pa kiung Mordekai. Ieh ineh lun Yahudi, idi iko na miak tumam pa kiungneh. Kali' rungen iko mebpeh sirenneh.”

LUN LUK MADA' 7:9

Aleg malé museh. Lemulun luk mebacé mo' luk mét niat.