ESTER 4:16 - BALA LUK DO'

¹⁶ “Amé' ngamung lun Yahudi luk déi' Susa, pad ideh mawa' na kuman idi ngerawé negku. Aleg kuman idi ngirup teluh aco idi teluh dacem kinioneh. Demulunku idi ui pana' miak nganau' kudeng ineh teh. Pangeh ineh ui miak amé' papu' raca', sagan tu pana' ngelaba ukum. Kudeng ui maté, ui maté.”

ESTER 4:16 Iomraidhean Croise

PUDUT 18:19

Ui pangeh nemili' neneh, pad ieh miak ngecuk anak-anakneh idi inulneh luk muci rat neneh ineh maya' ukumKu idi nganau' luk matu idi luk mesiri, pad Ui miak ngacing kuanneh anun-anun luk pangeh pijani'Ku neneh.”

PUDUT 43:14

Idi do' Allah luk Melalud méi' nemuyuh pa kiung lun rayeh ineh, pad ieh maré kinanak muyuh luk baken ineh, idi Beniamin teh muli' maya' nemuyuh. Idi ratnan ui ini, kudeng anak-anakku metutu', aganeh mo'.”

SEMUIL LUK KEDUEH 10:12

Do' tau mekuu' pebunu' kuan pupu tau, idi kuan amung bawang Allah tau, pad Tuhan nganau' anun luk do' pa kiungNeh.”

RACA'-RACA' LUK KEDUEH 7:4

Na ulekneh tau amé' bang bawang, pad tau maté ku lau su ineh muci. Iamo' kudeng tau tudo ieni na miak na tau maté teh. Ngaceku ineh do' tau amé' ubpen arang baweh lun Siria. Kudeng tau uendeh ngulun miak tau mulun. Idi kudeng ideh ngaté netau na miak na tau maté.”

INUL LUK KEDUEH 20:3

Yosapat matot, idi ieh nesembayang idi nenakap Tuhan. Idi ieh nengecuk lun aput bawang Yahuda mawa'.

ESRA 8:21

Idi ui nengeletep aco luk inan mawa' i tangeb Abang Ahaba, pad kai ngebeneh burur kai pa kiung Allah kai, idi pad mutuh Neneh nguyut nekai maya' dalan idi matar nekai, dengan anak-anak, aya', idi binaweh kai.

ESTER 4:15

Ester nengor bala Mordekai, kebalaneh:

ESTER 4:17

Idi Mordekai nenalan idi nenganau' luk icuk Ester neneh.

ESTER 4:3

Idi inan tido arang lun Yahudi aput babpat-babpat imet ineh, su luk inan ukum raca' pangeh bida'. Ideh mawa' na kuman, ideh nangi', idi temido, idi lélé amung-amungdeh nenacung.

ESTER 5:1

Aco luk keteluh kareb ieh mawa', Ester nengayung ku ayung raca' decur, idi ieh iné' tuped luun natad luk bal alad ruma' raca' petutup tekep kerusi raca'. Raca' idi luun kerusineh.

ESTER 9:31

idi teh pad ngecuk nedeh maya' Aco Nala' Udi bang kareb luk petulu, mepad kudeng ideh nemaya' ukum ratnan aco mawa' idi kareb temido. Ukum ini biré Mordekai, idi Raca' Decur Ester.

YESAYA 22:12

Tuhan luk Melalud nengecuk nemuyuh nangi' idi temido, ngiki uluh muyuh idi nacung.

YEREMIA 36:9

Bang bulan iwa', lak luk kelimeh kareb Raca' Yoyakim ngimet Yahuda, ideh nenganau' aco luk inan mawa' na kuman pa kiung Tuhan. Idi amung lun Yerusalim idi lemulun luk nacing rat bawang-bawang Yahuda nemaya' aco ineh.

DANIEL 2:18

Ieh nengecuk nedeh sembayang mutuh Allah Surga méi' nedeh idi mada' nedeh ratnan luk inalum pad ideh na pitayen dengan lun baken luk mileh déi' Babil.

MATIUS 12:40

Ngaceku mepad kudeng Yunus netudo teluh aco idi teluh dacem kinioneh bang batek lawid rayeh, kudeng ineh teh Anak-Lemulun miak tudo bang lubang tana' teluh aco idi teluh dacem kinioneh.

LUKAS 9:24

Lemulun luk ngerawé ulunneh sebuleng na ngalap ulun luk matu; iamo' lemulun luk na ngerawé ulunneh sebuleng ngaceku Ui, ieh miak ngalap ulun luk matu.

YAHYA 19:22

Iamo' kebala Pilatus, “Luk pangeh inayudku pangehneh ineh.”

KEKAMEN RASUL-RASUL 10:7

Kareb melaikat ineh pangeh nenalan, idi Kornilius nenawar dueh burur demulun luk ngakem bang ruma'neh ineh, idi seburur luk pebunu' luk megéi' sembayang rat arang lemulun luk ngasa' neneh.

KEKAMEN RASUL-RASUL 20:24

Iamo' na tu ui ngerawé niatku inan raga kuan bururku sebuleng, kudeng ui miak ngeriput luk ruenku, idi mangeh kekamenku luk ilapku ratnan Tuhan Yésus, ieh ineh pad ui mada' Bala luk Do' ratnan katu Allah.

KEKAMEN RASUL-RASUL 21:13

Iamo' kebala Paulus, “Anunké ulekneh muyuh nangi' idi ngelaso niatku? Ngaceku ui temina' baken betin mo', iamo' pitayen déi' Yerusalim ngaceku ngadan Tuhan Yésus.”

KEKAMEN RASUL-RASUL 27:33

Kareb masat aco, idi Paulus pana' nengecuk nedeh kuman, kebalaneh, “Muyuh nenganét pulu' apat aco nekini, idi ruked ini muyuh na nekuman anun-anun pana'.

KEKAMEN RASUL-RASUL 9:9

Idi teluh aco kinioneh, ieh nebuser, idi na nekuman idi nengirup abpa' teh.

SURAT LUK BIRE PAULUS KUAN LUN RUM 16:4

Didueh ineh pangeh nemaré ulun didueh ngaceku bururku, idi baken ui ini mo', iamo' amung-amung sidang rat arang lun pupu baken pana' ngubur nedidueh.

PILIPI 2:30

Ngaceku ratnan kekamen Keristus ieh pangeh lélé maté, idi na ieh nengerawé ulunneh sebuleng, ngaceku ieh sikal ngelibal nemuyuh ngasa' negku ini.

YUSAK 24:15

Idi kudeng muyuh na sikal mepicet maya' Tuhan, do' nekini muyuh mili' idé' luk pian bén muyuh, allah luk inubur tepun muyuh dipar Abpa' Pirat, kian allah lun Amori bang tana' luk inan muyuh tudo nekini. Iamo' ui idi lun bang tetek ruma'ku sikal maya' Tuhan.”

SEMUIL LUK PUN-PUN 19:5

Ngaceku na ieh matot maté kareb ieh nengaté Goliat, idi Tuhan nemaré tueh kuan amung pupu Israil. Iko pangeh nenier ineh dengan awang niatmu. Anun pun iko pian nganau' sala' kuan lemulun luk na sala' idi ngaté Daud dengan na tabpen-tabpen?”