ESTER 4:1 - BALA LUK DO'

¹ Kareb Mordekai nekali' bala ineh, ieh nengerarak ayungneh ku susa' niatneh. Idi ieh nenacung idi lawé-lawé bang bawang dengan pelaba tangi',

ESTER 4:1 Iomraidhean Croise

PUDUT 27:34

Kareb Esau neninger bala tamanneh, idi ieh nengitang idi mesusa' niat, kebalaneh kuan tamanneh, “O Ama', maré peruan kuanku teh.”

PUDUT 37:34

Idi Yakub nengerarak ayungneh, idi nenacung. Idi ieh netemido bang tuda'-tuda' aco ngaceku anakneh na idi.

SEMUIL LUK KEDUEH 1:11

Idi Daud nenarak ayungneh sebuleng. Kudeng ineh teh luk inau' anak itinneh.

SEMUIL LUK KEDUEH 13:19

Idi Tamar nenganau' abuh luun uluhneh. Idi ieh nenarak kuyu'neh, idi ieh nengerareng ticu'neh luun uluhneh idi nenalan dengan nangi'.

ESTER 4:2

pad ieh nacing munung tanga' ruma' raca'. Na ieh nesemuet ngaceku ayungneh na petulu.

ESTER 4:3

Idi inan tido arang lun Yahudi aput babpat-babpat imet ineh, su luk inan ukum raca' pangeh bida'. Ideh mawa' na kuman, ideh nangi', idi temido, idi lélé amung-amungdeh nenacung.

AYUB 1:20

Idi Ayub nudur idi nengerarak kuyu'neh ngaceku ieh dat niat. Idi ieh nengiki uluhneh, idi netekeradung.

AYUB 2:8

Idi Ayub iné' tudo iring aceh bubpun arap. Idi ieh nengalap aceh bila' sidangur pingukutneh puruhneh.

AYUB 42:6

idi ui migu' ngaceku amung luk bilaku, idi nekini ui uren tu-tu.

YESAYA 15:4

Lun Hesbon idi lun Eliala ngitang, idi aroddeh pedingeren pad macing Yahas. Lun pebunu' pana' megegker idi na mekuu'.

YESAYA 22:4

Nima' negku nangi' buleng-buleng. Aleg ngubuk negku, ngaceku pupuku pelaba ula' naté.

YESAYA 37:1

Kareb Raca' Hesekia neninger baladeh, ieh nengerarak ayungneh ku susa' niatneh. Idi ieh nenacung idi iné' bang Ruma' Tuhan.

YESAYA 37:2

Ieh nengecuk ni Eliakim, lun rayeh lun luk ngasa' ruma' raca', Sebna, lun luk ngayud kuan raca', idi imam-imam luk mengered amé' papu' Nabi Yesaya Amos. Ideh pana' nenacung.

YESAYA 58:5

Kareb muyuh mawa', muyuh ngedereh burur muyuh, tekunal mepad kudeng don uduh, idi telubid luun guni idi abuh. Matuké ineh mawa'? Miakké Ui mawang niat ku ineh?

YEHISKIEL 21:11

Pelapet ineh uen mesilo, pad ieh temina' uen makai. Ieh metadem idi mesilo, temina' kuan lemulun luk ngaté.

YEHISKIEL 21:6

“O lemulun, do' iko ngarod rayeh-rayeh siren amung lemulun mepad kudeng lemulun luk na merapet.

DANIEL 9:3

Idi ui nesembayang inan Tuhan Allah, idi nemutuh rat Neneh, idi mawa' na kuman, idi nenacung, idi tudo luun abuh.

MIKA 1:8

Idi kebala Mika, “Ngaceku ineh ui miak temido idi nalan lubpa dengan na kasut. Ui miak muni mepad kudeng bungalé idi suit luk muni kareb medacem.

SEPANIA 1:14

Aco rayeh Tuhan malé macing! Bang aco sineh lun pebunu' luk meluun sangit pana' miak ngarod ku dat niatdeh.

MATIUS 11:21

“Mesusa' kuanmu Korasin! Mesusa' kuanmu Baitsaida! Ngaceku kudeng kekamen luk melalud pangeh inau' bang Sur idi Sidon, kudeng luk pangeh inau' bang nemedueh, kali' rungen ideh pangeh nacung idi nuren mon.

KEKAMEN RASUL-RASUL 14:14

Kareb Barnabas idi Paulus neninger ratnan luk pian ruendeh, idi didueh nenarak ayung didueh idi nupun semuet arang uned lun mula' idi nengitang,

YUSAK 7:6

Idi Yusak narak-narak ayungneh ngaceku ieh mesusa' niat, idi netekunal pa atun Pati' Pejani' Tuhan macing aco malem, dengan amung lun rayeh Israil, idi ideh nemubpur uluhdeh ku abuh.

BALA LUK LINIO 11:3

Idi Ui miak maré dueh lun nekali' Negku mada' pad macing 1,260 aco kinioneh, idi didueh miak ngayung ku kibung guni.”