ESTER 3:13 - BALA LUK DO'

¹³ Idi lun duken nupun nated bala ineh amé' nan anid babpat imet ineh. Maya' ukum ineh amung lun Yahudi luk rayeh idi luk isuut, do' decur idi anak pana' miak pitayen bang seaco, ieh ineh pulu' teluh aco bulan Adar. Ideh pitayen dengan na méi', idi binawehdeh lapen.

ESTER 3:13 Iomraidhean Croise

INUL LUK KEDUEH 30:6

Idi amung lun duken ineh nenalan maya' ecuk raca' idi lun rayehneh aput bawang Yahuda idi Israil. Kebala surat teteng raca' ineh: “O amung muyuh lun Israil, do' muyuh lumi inan Tuhan Allah Ibrahim, Isak, idi Yakub, pad Ieh pana' miak lumi inan amung lun luk neketecan rat nemuyuh luk nepuit rat bang palad raca'-raca' Asur.

ESTER 7:4

Ui ini idi pupuku pangeh pinasui pad miak pitayen macing mabud. Kudeng kai pisuen mangun ku demulun, kali' rungen ui ungeng idi na ngesusa' raca' ku dereh kai.”

ESTER 8:5

“Kudeng iko pian, kudeng iko méi' negku, idi kudeng ieh matu kali'mu, do' iko mutut aceh ukum pad bala Haman Hamedata luk inul Agag na uen ngacing. Ngaceku ieh nengecuk ngaté amung lun Yahudi bang imetmu.

ESTER 9:1

Idi pulu' teluh aco bulan Adar, ieh ineh aco luk inan ukum raca' mangun. Idi bang aco sineh bunu' lun Yahudi merapet ngelaya' nedeh. Iamo' setuneh lun Yahudi nengelaya' nedeh.

ESTER 9:10

ieh ineh pulu' anak Haman Hamedata, luk bunu' lun Yahudi ineh. Iamo' na ideh nengaro binaweh bunu'deh.

ESTER 9:5

Idi lun Yahudi munu' bunu'deh maya' piandeh. Ideh munu' nedeh ku pelapet idi ngaté nedeh.

AYUB 9:25

Ulunku meluun awer ratnan lun luk peribatun, idi sebuleng aco pana' na ngacing peruan kuanku.

YESAYA 10:6

Ui nengecuk Asur ngerieng aceh pupu luk na manu idi luk ngegio usehKu. Ui nengecuk nedeh ngaro, mano, idi ngeradu' lemulun luun dalan.”

YEREMIA 51:31

Mula' lun duken upun mada' raca' Babil, kebaladeh, ‘Bawangmu inusag lun rat pa selipa macing pa selipa.

SURAT LUK BIRE PAULUS KUAN LUN RUM 3:15

Ideh mesaget ngeruat dara' lemulun;

YAKUB 2:13

Ngaceku Allah na méi' kareb Ieh ngukum lemulun luk na méi'; iamo' éi' ineh meluun rayeh ratnan ukum.

SEMUIL LUK PUN-PUN 15:3

Idi nekini do' iko amé' ngelaya' nelun Amalek ineh, idi ngaté amung-amung luk nedeh, idi aleg méi' nedeh. Do' ngaté amung-amung deléi, decur, do' anak isuut idi anak luk niti' pana', sapi' idi amék, unta idi keladai.”

SEMUIL LUK PUN-PUN 22:19

Idi Saul nengaté amung lun bang bawang Nob, ieh ineh bawang imam ineh, do' deléi idi decur, do' anak adi' idi anak isuut luk niti', do' amung sapi', keladai, idi amék pana'.