ESTER 3:12 - BALA LUK DO'

¹² Idi pulu' teluh aco bulan luk pun-pun, Haman nenawar nelun luk ngayud kuan raca' idi nemada' aceh ukum nedeh luk uen ngelibal kuan amung-amung buri' bang imet ineh idi barén kuan amung raca', pengulu, idi lun rayeh. Idi ukum ineh biré dengan ngadan Raca' Ahasuiras idi itu ku susingneh.

ESTER 3:12 Iomraidhean Croise

RACA'-RACA' LUK PUN-PUN 21:8

Idi Isabel nengayud tuda'-tuda' surat dengan ngadan Akab. Idi ieh nenganau' etu ticu' raca' luun ineh idi nemaré surat ineh kuan amung lun rayeh-rayeh bang bawang Yesril ineh.

ESRA 8:36

Idi ideh nenguit surat luk biré raca', idi nemaré ineh nelun tareh raca' idi kuan lun rayeh-rayeh rat pa acep aco Abpa' Pirat, pad ideh pana' nengedengan nelun Israil idi Ruma' Allah ineh.

ESTER 1:22

Ieh nemaré bala kuan amung babpat bang imetneh, bang buri' lun bang bawang ineh, idi ieh nengecuk amung deléideh mangun ku lun rayeh bang tetek ruma'deh, pad amung uang tetek ruma'deh maya' baladeh.

ESTER 3:11

Kebala raca' neneh, “Pupu ineh idi usindeh iko kuan; do' maya' luk pianmu.”

ESTER 8:2

Raca' nengelengu susing etuneh (luk ilapneh lemubed rat ni Haman) idi nemaré ineh kuan Mordekai. Idi Ester nenganau' Mordekai ku lun rayeh binaweh idi tana' Haman.

ESTER 9:27

lun Yahudi nengeletep aceh ukum kuan bururdeh sebuleng, inuldeh, idi idé-idé luk mangun ku lun Yahudi, pelé ideh ngerayeh dueh aco ineh anid lak bang kareb luk petulu, maya' bada' Mordekai.

DANIEL 3:10

Iko pangeh nengecuk amung-amung lemulun tekeradung sembayang inan akang amas kareb ideh ninger amung-amung luk muni ineh.

DANIEL 6:12

idi petacu ideh iné' matun raca' pian ngadu' ni Daniel. Kebaladeh, “O raca', iko nenén aceh ukum luk mebpeng na miak mutuh anun-anun ratnan allah idi lemulun pana', kinio teluh ngepulu' aco , iamo' miak mutuh ratnan raca' sebuleng mo'. Idi lemulun luk ngelaba ukum ineh miak talan bang lubang balang.” “Mo,” kebala raca', “Aceh ukum luk meberat mepad kudeng ukum lun Midi idi lun Parsi, luk na miak uen ngisu'.”

DANIEL 6:15

Idi lemulun ineh nacing sekua' teh idi kebaladeh ni raca', “O raca', iko kali', maya' ukum lun Midi idi lun Parsi, ukum raca' na miak uen ngisu'.”

DANIEL 6:25

Idi Raca' Darius nengayud aceh surat kuan amung-amung lemulun ratnan anid-anid bawang, pupu, idi luk ratnan manid-manid buri' bang tana' ini. Kebalaneh: “Tabi'!

DANIEL 6:8

Do' raca' nén ukum ini, pad ieh miak bén idi na miak uen ngisu' mepad kudeng amung ukum lun Midi idi lun Parsi.”