ESTER 2:9 - BALA LUK DO'

⁹ Hegai méi' ni Ester idi ieh do' neneh. Idi petacu ieh nemaré neneh uen ngumau ku umau luk do' buen, idi ieh nemaré akan luk pelaba do'. Idi teh Ester luk meluun uen ngedita' arang decur baken, pad inan tudu' burur anak decur rat ruma' raca' luk pinili' mangun ku demulunneh.

ESTER 2:9 Iomraidhean Croise

PUDUT 39:21

Iamo' Tuhan nengedengan ni Yusup, idi Ieh nengeperuan neneh, pad lun rayeh luk nginita tutup ineh mawang niat neneh.

PUDUT 39:4

Idi Potipar mawang niat neneh. Idi ieh nengiding neneh ngimet bang ruma'neh. Idi amung-amung binawehneh biréneh bang palad Yusup.

RACA'-RACA' LUK PUN-PUN 8:50

Maré do' ku sala'deh, idi ku amung dat luk pangeh inau'deh Namu, idi maré bunu'deh méi' nedeh.

ESRA 7:6

Idi Esra ineh seburur luk mileh ngelio ukum Musa luk pangeh biré Tuhan Allah lun Israil. Idi raca' nemaré kuanneh amung luk pianneh, ngaceku Tuhan Allahneh nengeperuan neneh. Idi Esra nenalan rat bawang Babil iné' Yerusalim,

NEHEMIA 2:8

idi aceh surat kuan Asap, lun luk nginita pulung raca', pad ieh maré kayuh ku atang tanga' su luk meraben iring Ruma' Allah, idi teh ku libung luk meraben déi' bawang Yerusalim, idi teh ku ruma'ku sebuleng.” Idi raca' nemaré luk pinutuhku, ngaceku Allahku nengedengan negku.

ESTER 2:12

Idi amung decur inumau ku umau luk do' buen selak kinioneh, ieh ineh ku umau mur anem bulan kinioneh, idi teh ku umau luk baken luk do' buen anem bulan kinioneh. Pangeh ineh anid burur decur miak iten amé' nan Raca' Ahasuiras.

ESTER 2:3

Do' iko ngeletep nelun rayeh bang anid babpat imetmu, pad ideh nguit anak adi' decur luk do' taga ini amé' ruma' awanmu tungé' Susa. Maré nedeh bang imet Hegai lun luk pinani' ineh luk ngasa' decurmu, ieh ideh miak ngalap umau luk do' buen ku ngumau bururdeh.

ESTER 5:2

Kareb raca' nekali' Ester tuped bal takep, ieh mawang niat neneh, idi ieh nenatang rukudneh luk ratnan amas. Idi Ester iné' ngakem papedneh.

NANI UBUR 106:46

Ieh nenganau' pupu luk nenaban nedeh méi' nedeh.

BALE' 16:7

Kareb iko maya' pian Tuhan, bunu'mu miak mangun ku rurummu.

DANIEL 1:9

Idi Allah nenganau' Aspenas méi' kuan Daniel.

KEKAMEN RASUL-RASUL 7:10

idi nemuit neneh ratnan amung-amung derehneh, idi nemaré neneh katu idi ileh pa kiung raca' Masir ineh luk nenganau' neneh mangun ku lun rayeh amung-amung tana' Masir idi amung-amung anak itinneh.