ESTER 2:7 - BALA LUK DO'

⁷ Ieh inan kinanak kanid, ngadanneh Ester luk titen Hadasa bang buri' Iberani. Kareb taman-tinanneh naté, Ester inasuh Mordekai mepad kudeng anakneh sebuleng. Ester do' taga idi metagap.

ESTER 2:7 Iomraidhean Croise

PUDUT 48:5

Idi teh kebala Yakub, “Nekini dueh anakmu, ieh ineh Epraim idi Manasé luk tinganak kuanmu tungé' Masir atun ratnan acingku namu, ui luk kuan nedidueh; ieh ineh mepad kudeng Rubin idi Simion.

ESTER 1:11

Ieh nengecuk nedeh nguit Raca' Decur Basti luk inayung ku pata raca'. Raca' decur ineh do' taga idi raca' pian mada' taganeh siren lun rayeh idi amung lun luk tinawar iné' ku irau ineh.

ESTER 2:15

Idi macing karebneh Ester amé' papu' raca', ieh ineh Ester Abikail luk kinanak kanid Mordekai luk nengasuh neneh mepad kudeng anakneh sebuleng. Idi Ester buren amung lemulun luk nier neneh. Idi ieh nengayung ku anun-anun luk bila Hegai lun luk pinani' luk ngasa' ruma' decur ineh.

ESTER 2:20

Idi Ester nengalum ratnan ieh decur Yahudi, ngaceku ieh bibpeng Mordekai na mada'. Idi ieh nemaya' balaneh mepad kudeng ieh nemaya' balaneh kareb ieh anak isuut.

ESTER 8:1

Bang aco sineh teh Raca' Ahasuiras nemaré kuan Raca' Decur Ester amung binaweh idi tana' Haman, bunu' lun Yahudi ineh. Ester nemada' raca' ratnan ieh pupu Mordekai, idi Mordekai tinawar amé' matun raca'.

AYUB 31:17

Ui megéi maré babpat akanku kuan anak maté.

AYUB 31:18

Ruked ulunku ui ngedengan nedeh.

2 KORINTUS 6:18

Ui mangun ku Taman muyuh, idi muyuh mangun ku anak-anakKu, do' deléi idi decur teh, kebala Tuhan luk Melalud.”

EPESUS 6:4

O taman-tinan, aleg nganau' anak muyuh mét niat, iamo' ngasa' nedeh idi mada' nedeh dengan bada' luk petulu pa kiung Tuhan.

1 YAHYA 3:1

Siruh, kudeng apeh kirayehneh awa Taman luk pangeh biré kuan tau pad amung-amung tau miak tetanen ku anak-anak Allah: idi kali' rungen tau ini anakNeh. Idi ini punneh tana' ini na ngiti netau, ngaceku tana' ini na ngiti Allah.