ESTER 2:6 - BALA LUK DO'

⁶ Kareb Nebukadnesar, raca' Babil nenaban ni Yoyakin raca' Yahuda rat Yerusalim dengan lun baken lun tiban, Mordekai idi arangdeh.

ESTER 2:6 Iomraidhean Croise

RACA'-RACA' LUK KEDUEH 24:12

Idi Raca' Yoyakin idi tinanneh, tarehneh, idi lun dukenneh, idi lun luk ngasa' ruma'neh nemaré bururdeh kuan raca' Babil. Idi ieh nenaban nedeh kareb lak luk kewaluh bang imet Yoyakin.

RACA'-RACA' LUK KEDUEH 24:6

Idi Yoyakim naté. Idi anakneh Yoyakin mangun ku raca' libalneh.

INUL LUK KEDUEH 36:20

Idi idé-idé luk nepuit ratnan pelapet ineh tibanneh iné' Babil. Idi ideh mangun ku lun dukenneh idi lun duken anak-anakneh macing bang kareb imet lun Parsi.

YEREMIA 22:24

Kebala Tuhan kuan Yoyakin Yoyakim, raca' Yahuda, “Ui pebulung ku ngadanKu, Allah luk mulun. Sagan tu pana' iko susing luun bua' ticu'Ku pa tinueh Ui miak ngelengu namu,

YEREMIA 22:28

Kebala Yeremia, “Matuké Raca' Yoyakin mepad kudeng aceh kuden luk nebila' idi luk pangeh tila' idi luk na pian lun? Ngudehké ieh idi anakneh tiban idi tila' bang aceh bawang luk na nekali' deh?”

YEREMIA 24:1

Tuhan nemada' sirenku, dueh tayen mepanu' ku bua' gita' luk rireng pa atun Ruma' Allah. Ieh ineh muci ratnan Nebukadnesar raca' Babil nenaban tuda'-tuda' burur lemulun rat Yerusalim amé' Babil, ieh ineh Yoyakin Yoyakim, raca' Yahuda, dengan amung lun rayeh Yahuda idi amung-amung lun luk mileh ngakem.