ESTER 10:2 - BALA LUK DO'

² Amung kekamenneh luk rayeh idi luk inan mawa dengan bala ratnan kudeng apeh ieh nengikit Mordekai pangeh inayud bang Surat Inul Raca'-Raca' Parsi idi Midi.

ESTER 10:2 Iomraidhean Croise

RACA'-RACA' LUK PUN-PUN 11:41

Idi amung kekamen Selimun luk baken, idi amung ilehneh, pangeh inayud bang Surat Kekamen Raca' Selimun.

RACA'-RACA' LUK PUN-PUN 14:19

Idi kekamen Yerebom luk baken, kudeng apeh ieh nengimet bawang, idi kudeng apeh ieh nepebunu', amung ineh pangeh bida' bang Surat Kekamen Raca'-Raca' Lun Israil.

RACA'-RACA' LUK PUN-PUN 22:39

Idi amung kekamen Raca' Akab luk baken ineh, ruma' luk pinudut raca' ratnan gading idi amung bawang luk pangeh pinudut raca', pangeh inayud bang Surat Kekamen Raca'-Raca' Lun Israil.

ESTER 2:23

Idi ideh nengelio ineh idi bala ineh matu. Idi didueh inukum tekito pad didueh naté. Idi raca' nengecuk ngayud ini bang surat inul raca'.

ESTER 6:1

Dacem ineh raca' na medacep mateh, idi ieh nengecuk nelun duken nguit surat imet pad uen maca' kuanneh.

ESTER 8:15

Mordekai nenalan rat ruma' raca', inayung ku kuyu' luk mebata' idi mebuda', idi kuyu' luk meboyor ratnan kibung pu luk sia' merirem, idi pata amas luk pelaba do'. Idi déi' luun dalan Susa ideh ngitang ku awang niatdeh.

ESTER 8:2

Raca' nengelengu susing etuneh (luk ilapneh lemubed rat ni Haman) idi nemaré ineh kuan Mordekai. Idi Ester nenganau' Mordekai ku lun rayeh binaweh idi tana' Haman.

ESTER 9:4

Aput imet ineh Mordekai mebala, ngaceku ieh luk meluun rayeh bang ruma' raca', idi tuehneh iuk-iuk amé' rayeh.

NANI UBUR 18:35

Iko maré utap ulun kuanku, idi laludMu matar negku. Ratnan pedenganMu ui mangun ku lun rayeh.

DANIEL 2:48

Idi ieh nemaré kuan Daniel aceh kekamen luk rayeh. Idi teh ieh nemaré neneh tuda'-tuda' baré luk pelaba do'. Idi ieh nengecuk ni Daniel ngimet bawang Babil, idi ieh nenganau' neneh mangun ku lun rayeh amung-amung lun mileh luk déi' Babil ineh.