ESTER 1:3 - BALA LUK DO'

³ Bang lak luk keteluh bang imetneh ieh nenganau' irau kuan amung pengulu idi lun rayehneh. Amung baweh Parsi idi Midi idi, dengan pengulu idi lun rayeh anid bawang ineh.

ESTER 1:3 Iomraidhean Croise

PUDUT 40:20

Pangeh teluh aco, ieh ineh aco luk inan raca' tinganak, ieh nenganau' irau kuan amung-amung lun tarehneh. Idi ieh nengeruat lun rayeh lun luk maré luk rupen idi lun rayeh lun luk nganau' ruti ineh rat bang tutup, idi nenguit nedidueh amé' pa kiung amung-amung lun tarehneh.

RACA'-RACA' LUK PUN-PUN 3:15

Kareb Raca' Selimun nekulat, idi ieh kali' ieh ineh nupi ratnan Tuhan. Idi ieh iné' déi' Yerusalim, idi netuped pa atun Pati' Pejani' Tuhan, idi nemaré tuda'-tuda' baré luk sabpen idi tuda'-tuda' baré luk nguit pedo'. Idi ieh nenganau' aceh irau kuan amung lun tarehneh.

ESRA 1:2

“Kudeng ini bala Kores raca' Parsi: Tuhan Allah Surga pangeh nemaré negku amung imet luk luun tana'. Idi pangeh Ieh nengecuk negku mudut aceh Ruma' kuanNeh déi' Yerusalim luk bang tana' Yahuda.

ESTER 1:14

Idi luk inanneh merapet ieh ineh Karsina, Setar, Admata, Tarsis, Meres, Marsina, idi Memukan—tudu' lun rayeh Parsi idi Midi luk meluun rayeh bang imet ineh, idi luk inan raca' merapet.

ESTER 1:4

Anem bulan kinioneh ieh nengegala' binaweh luk bang ruma'neh luk pelaba do'!

ESTER 2:18

Idi raca' nenganau' aceh irau rayeh kuan Ester, idi ieh nenawar amung lun rayeh idi lun luk ngimet. Idi ieh nengeletep aco rayeh kuan amung imetneh, idi nemaré mula' baré luk petulu barén raca'.

ESTER 3:7

Bang bulan luk pun-pun, ieh ineh bulan Nisan bang lak luk kepulu' dueh kareb imet Ahasuiras, Haman nengecuk nala' udi (luk titen “purim”) pad kali' aco idi bulan luk petulu ngacing luk pianneh. Idi pulu' teluh aco bulan pulu' dueh, ieh ineh bulan Adar, luk litepneh.

YESAYA 21:2

Inan aceh luk sinierku ratnan tuda'-tuda' susa' luk pelaba dat ratnan naluk lemulun idi ngusag bawang. O baweh Elam, amé' pebunu'! O baweh Midi, ngerieng amung bawang! Allah miak ngagka' dereh luk icing bawang Babil kuan lun Israil.

YEREMIA 51:11

Tuhan pangeh nengegio terawé raca'-raca' Midi, ngaceku Ieh pian ngusag bawang Babil. Kudeng ineh lawéNeh Tuhan ngua' ratnan usag Ruma'Neh. Kebala lun rayeh baweh, “Ngir busu muyuh! Idi temina' ku utap muyuh!

DANIEL 5:1

Kareb imet Belsasar, idi ieh nenawar meribu lun rayeh amé' ku irauneh luk rayeh. Idi ideh nengirup abpa' anggur.

DANIEL 5:28

mabpat, imetmu pangeh bibpat idi biré nelun Midi idi Parsi.”

DANIEL 6:1

Idi Darius nemili' 120 pengulu luk miak ngimet aput-aput imetneh.

DANIEL 8:20

“Dumba luk siniermu luk inan dueh unga ineh pinginud imet Midi idi Parsi.

MARKUS 6:21

Mio-mio inan aceh kareb luk biré kuan Herodia, ieh ineh kareb aco luk inan Herodés tinganak. Idi ieh nengana' aceh irau kuan amung-amung lun rayeh bang imetneh, lun rayeh bawehneh, idi lun rayeh bang bawang Galilia pana'.