DANIEL 9:9 - BALA LUK DO'

⁹ Iko luk méi' idi maré do', iamo' kai sikal metueh rat Namu.

DANIEL 9:9 Iomraidhean Croise

DANIEL 9:7

O Tuhan, Iko luk matu, idi kai luk megéi' nganau' luk dat — ieh ineh kai luk tudo déi' Yahuda idi déi' Yerusalim, idi amung lun Israil luk pitadMu amé' bang bawang luk muneng idi luk mado, ngaceku ideh na lutep maya' Namu.

DANIEL 9:5

“Kai pangeh nenganau' sala'; kai nenganau' luk dat idi neraruh. Kai pangeh nengelaba ukumMu, idi nelemubed ratnan luk bida'Mu nekai.

NANI UBUR 86:15

O Tuhan, Iko Allah luk méi' idi mawa, idi luk na malé useh, idi megéi' mekatu idi lutep maya' jani'.

NANI UBUR 130:7

O Israil do' merapet inan Tuhan, ngaceku awaNeh lutep, idi Ieh megéi' sikal ngulun.

YEREMIA 14:7

PupuKu nawar Negku, kebaladeh, ‘Sagan pana' sala' kai ngesala' nekai, O Tuhan ngedengan nekai, maya' kudeng luk pijani'Mu. Kai megéi' teketed rat Namu idi megéi' nganau' sala' pa kiungMu.

NANI UBUR 130:4

Iamo' Iko maré do' nekai, pad kai matot Namu.

NANI UBUR 62:12

idi awa luk lutep Tuhan kuan. Iko sebuleng, Tuhan, luk ngua' kuan anid-anid lemulun maya' kekamenneh.

YUNUS 4:2

Idi ieh nesembayang inan Tuhan, kesembayangneh, “O Tuhan, kareb nateh ui nenalan ui pangeh kali' Iko miak nganau' kudeng ini. Idi punneh ui pian buro amé' Spaniol. Ui kali' Iko Allah luk mawa idi méi', idi megéi' mulai niat, idi mekatu, idi megéi' nginuud pad Iko na ngukum.

YESAYA 63:7

Ui mada' ratnan awa Tuhan luk na ugka'; Ui ngubur Neneh ngaceku amung luk inau'Neh kuan tau. Ieh nengeperuan tu-tu pupu Israil, ngaceku éi'Neh idi awanNeh luk lutep.

YESAYA 55:7

Do' lemulun luk dat necan kekamendeh, idi ngisu' terawédeh. Do' ideh lumi inan Tuhan Allah tau, luk méi' ku lemulun idi luk maré do' ratnan sala'.

YEHISKIEL 20:13

Iamo' déi' su luk ali-ali pana', ideh sikal metueh rat Negku. Ideh nengelaba ukumKu idi na nemaya' bada'Ku luk ngacing ulun kuan idé-idé luk maya' nedeh. Ideh na nemaya' ukum ratnan Aco luk inan Mudeng. Ui netemina' ngukum nedeh ku usehKu déi' su luk ali-ali, pad Ui ngaté nedeh.

NANI UBUR 86:5

O Tuhan, Iko luk do' idi luk maré do', idi luk mepanu' ku awa luk lutep kuan amung lemulun luk sembayang Namu.

NEHEMIA 9:31

Iamo', ngaceku éi'Mu luk pelaba rayeh, na Iko nenecan idi ngaté nedeh. Iko ineh Allah luk mekatu idi méi'!

RACA'-RACA' LUK PUN-PUN 8:30

Do' ninger putuhku idi putuh pupuMu lun Israil kareb ideh sembayang bang Ruma' ini. Ninger rat déi' surga su luk inanMu tudo, idi maré do' ratnan sala' kai.

DANIEL 9:6

Na kai neninger bala demulunMu luk nabi luk nepebala dengan ngadanMu kuan raca' kai, lun ngimet nekai, tepun kai, idi amung pupu kai.

DANIEL 9:8

O Tuhan raca'-raca' kai, lun ngimet nekai, idi tepun kai pangeh nenganau' luk dat idi mesala' pa kiungMu.

SEMUIL LUK KEDUEH 24:14

Idi kebala Daud ni Gad, “Ui pelaba gagau. Do' tau mebpeh bang palad Tuhan, ngaceku katuNeh pelaba rayeh. Iamo' aleg ui mebpeh bang palad lemulun.”