DANIEL 9:4 - BALA LUK DO'

⁴ Ui nesembayang inan Tuhan Allahku idi nengamo amung sala' pupuku. Kesembayangku, “O Tuhan Allah, Iko luk rayeh idi luk buren kai. Iko luk lutep maya' jani'Mu, idi megéi ngegala awaMu luk lutep kuan lemulun luk mawa Namu idi luk maya' amung-amung ukumMu.

DANIEL 9:4 Iomraidhean Croise

RACA'-RACA' LUK PUN-PUN 8:23

kesembayangneh, “O Tuhan Allah lun Israil. Na Allah baken, iamo' Iko mo', do' bang langit idi bang tana' pana'. Iko mo' luk maya' jani' idi luk mekatu kuan amung lun dukenmu luk maya' amung balaMu.

INUL LUK KEDUEH 7:14

kudeng pupuKu luk titen ku ngadanKu, ngebeneh bururdeh idi sembayang idi nakap Negku, idi uren ratnan lawedeh luk dat ineh, idi Ui miak ninger rat bang surga idi mare do' ku sala'deh, idi ngedo' bawangdeh.

ESRA 10:1

Idi laba' Esra tekeradung idi sembayang dengan nangi' idi ngamo sala' pa atun Ruma' Allah, mula' lun deléi, decur, idi anak-anak rat nelun Israil, nepamung neneh idi nenangi'.

NEHEMIA 1:5

kesembayangku, “O Tuhan Allah Surga, Allah luk meluun rayeh idi luk inan matot! Iko lutep maya' jani' idi mawa nelun luk mawa Namu, idi luk maya' amung ukumMu.

NEHEMIA 9:32

“O Allah kai, Iko pelaba rayeh! Iko melalud idi luk inan matot! Iko lutep maya' amung jani'Mu. Rat kareb kai pidereh raca' Asur, macing nekini kai pelaba dereh! Raca' kai, lun rayeh kai, imam idi nabi kai, tepun idi amung pupu kai medereh mo'. O Allah, ngerawé ratnan amung dereh kai.

NANI UBUR 32:5

Idi ui nengamo sala'ku Namu; na ui nengalum kekamenku luk dat. Terawéku, “Ui sikal ngamo sala'ku kuan Tuhan,” idi Ieh nemaré do' ratnan amung-amung kekamenku luk dat.

PURA' 20:6

Iamo' Ui ngegala' katuKu kuan ribu-ribu inul luk mawa Negku idi luk ngimet balaKu.

YEREMIA 3:13

Do' iko mala namu lun mesala' idi nengelaba bala Tuhan Allahmu. Do' iko ngamo iko pangeh mawa inan allah baken liang anid-anid kayuh luk mebata', idi ngamo namu na nemaya' balaKu. Ui ini Tuhan luk pebala namu.

YEREMIA 32:23

Iamo' kareb ideh nesemuet bang bawang ini idi nengalap neneh ku babpatdeh, idi na ideh nemaya' amung ukumMu idi bada'Mu. Na ideh nenganau' anun-anun luk icukMu nedeh. Ngaceku ineh Iko nengacing amung dereh ini kuandeh.

DANIEL 6:10

Kareb Daniel nekali' idi ukum ineh pangeh pinutut, idi ieh nuli'. Idi déi' bang parung ruma'neh inan teluh tabuk luk petutup bawang Yerusalim. Idi déi' bang parung ruma'neh inan teluh tabuk luk petutup bawang Yerusalim. Idi ieh netekeradung munung tabuk luk mukab ineh idi nesembayang pa kiung Allah teluh kua' seaco mepad kudeng luk pekalai.

DANIEL 9:3

Idi ui nesembayang inan Tuhan Allah, idi nemutuh rat Neneh, idi mawa' na kuman, idi nenacung, idi tudo luun abuh.

LUKAS 1:72

Ieh nepejani' ngegala' éi'Neh kuan tepun tau, idi ngerawé pejani'Neh luk meligan.

SURAT LUK BIRE PAULUS KUAN LUN RUM 8:28

Tau kali', idi amung-amung kekamen perurum ngacing luk do' kuan lemulun luk mawa inan Allah, ieh ineh kuan lemulun luk tinawar maya' pianNeh.

BADA' RATNAN UKUM 5:10

Iamo' Ui ngegala' katuKu kuan ribu-ribu inul luk mawa Negku idi luk ngimet balaKu.

BADA' RATNAN UKUM 7:12

“Idi kudeng muyuh maya' amung bala ini idi nginita amung ukum ineh, idi Tuhan Allah muyuh pana' miak ngeletep kuan muyuh pejani'Neh idi katuNeh luk pangeh pijani'Neh kuan tepun muyuh.

BADA' RATNAN UKUM 7:21

Aleg muyuh megegker pa kiungdeh. Ngaceku Tuhan Allah muyuh idi dengan muyuh. Ieh Ineh Allah luk meluun rayeh idi luk inan matot.

BADA' RATNAN UKUM 7:9

Ngaceku ineh do' muyuh kali' Tuhan Allah muyuh ineh Allah luk matu idi lutep maya' jani'Neh, idi mekatu kuan amung lemulun luk mawa Neneh idi luk nginita ukumNeh, ieh ineh macing nan tuda'-tuda' ngeribu anak inuldeh.

YAKUB 1:12

Samal kuan lemulun luk mulai niat mabeh amung-amung tutun, ngaceku pangeh ieh tuman ratnan tutun, ieh miak ngalap pata ulun, luk pijani' Tuhan kuan amung-amung lemulun luk mawa Neneh.

YAKUB 2:5

Do' muyuh ninger, O kinanak-kinanak luk inanku mawa, bakenké Allah mili' lemulun luk masi' bang tana' ini mangun ku lun do' bang anu idi ngalap babpat Imet luk pangeh pijani'Neh kuan amung-amung lemulun luk mawa Neneh?