DANIEL 9:3 - BALA LUK DO'

³ Idi ui nesembayang inan Tuhan Allah, idi nemutuh rat Neneh, idi mawa' na kuman, idi nenacung, idi tudo luun abuh.

DANIEL 9:3 Iomraidhean Croise

SEMUIL LUK KEDUEH 12:16

Idi Daud nemutuh Allah ngedo' anak ineh. Idi ieh mawa'; idi anid alem ieh nesemuet bang takepneh idi tekulub luun tana' kedangan-kedangan.

ESRA 10:6

Pangeh ineh idi Esra nenalan rat pa atun Ruma' Allah, idi nesemuet bang takep Yohanan Eliasib. Idi ieh nenangi' kedangan-kedangan, idi na ieh nekuman idi nengirup pana', ngaceku ieh dat niat ku sala' amung lun luk tiban luk pangeh nuli' ineh.

ESRA 8:21

Idi ui nengeletep aco luk inan mawa' i tangeb Abang Ahaba, pad kai ngebeneh burur kai pa kiung Allah kai, idi pad mutuh Neneh nguyut nekai maya' dalan idi matar nekai, dengan anak-anak, aya', idi binaweh kai.

ESRA 9:5

Idi kareb ideh nemaré baré malem, ui netumui ratnan mawa', dengan ayungku lun nedarak. Idi ui netekeradung. Idi ui nengegenang ticu'ku idi nesembayang inan Tuhan Allahku,

NEHEMIA 9:1

Idi dueh ngepulu' apat aco bulan ineh teh, lun Israil nepamung sikal mawa' na kuman ngaceku mesusa' niat ku sala'deh. Ideh nenacung idi nenganau' abuh luun uluhdeh mangun ku tanu' susa' niatdeh.

ESTER 4:16

“Amé' ngamung lun Yahudi luk déi' Susa, pad ideh mawa' na kuman idi ngerawé negku. Aleg kuman idi ngirup teluh aco idi teluh dacem kinioneh. Demulunku idi ui pana' miak nganau' kudeng ineh teh. Pangeh ineh ui miak amé' papu' raca', sagan tu pana' ngelaba ukum. Kudeng ui maté, ui maté.”

AYUB 42:6

idi ui migu' ngaceku amung luk bilaku, idi nekini ui uren tu-tu.

NANI UBUR 35:13

Iamo' kareb ideh mét, ui nenganau' tacungku; idi ui nemawa' na nekuman. Idi ui nemunel idi nesembayang kuandeh.

YESAYA 22:12

Tuhan luk Melalud nengecuk nemuyuh nangi' idi temido, ngiki uluh muyuh idi nacung.

YEREMIA 33:3

“Nawar Negku, idi Ui miak ngor balamu, idi ngegala' kuanmu kekamen luk pelaba do' idi luk inan mawa luk nateh nekali'mu.

YEHISKIEL 36:37

Kebala Tuhan Allah, “Ui nganau' meluun ratnan ineh teh. Ui nima' nelun Israil mutuh pedengan rat Negku. Ui nima' nedeh amé' mula' mepad kudeng aceh riudan dumba.

DANIEL 6:10

Kareb Daniel nekali' idi ukum ineh pangeh pinutut, idi ieh nuli'. Idi déi' bang parung ruma'neh inan teluh tabuk luk petutup bawang Yerusalim. Idi déi' bang parung ruma'neh inan teluh tabuk luk petutup bawang Yerusalim. Idi ieh netekeradung munung tabuk luk mukab ineh idi nesembayang pa kiung Allah teluh kua' seaco mepad kudeng luk pekalai.

DANIEL 9:2

Bang lak luk pun kareb ieh ngimet, ui ini Daniel sibada' ratnan Surat Tuhan idi nengerawé ratnan tabpa Yerusalim luk kinio tudu' ngepulu' lak, maya' kudeng luk bila Tuhan ni Nabi Yeremia.

DANIEL 9:20

Ui uned sembayang idi ngamo sala'ku idi sala' pupuku Israil, idi ui nemutuh Tuhan Allahku ngedo' ruma'Neh.

DANIEL 9:4

Ui nesembayang inan Tuhan Allahku idi nengamo amung sala' pupuku. Kesembayangku, “O Tuhan Allah, Iko luk rayeh idi luk buren kai. Iko luk lutep maya' jani'Mu, idi megéi ngegala awaMu luk lutep kuan lemulun luk mawa Namu idi luk maya' amung-amung ukumMu.

YOEL 1:13

O muyuh imam luk ngeseb baré luun bubpun Tuhan, do' muyuh nacung idi nangi' idi mepamung bang Ruma' Allah kedangan-kedangan. Na luk idi padé idi abpa' anggur luk miak barén kuan Allah muyuh.

YOEL 2:12

Kebala Tuhan, “Do' uren nekini, idi lemubed maya' Negku dengan niat luk matu, idi nangi' dengan mawa'

YUNUS 3:5

Idi lun Ninewé nemanu inan bala Allah. Idi ideh nengecuk amung-amung lun bang bawang ineh mawa' na kuman. Idi ideh nenacung mangun ku tanu'deh pangeh nuren, do' lun dat idi lun do' pana'.

MATIUS 17:21

Iamo' ada' luk kudeng ini na miak ruaten dengan anun-anun, iamo' dengan sembayang idi mawa' mo'.”

LUKAS 2:37

idi ieh tinula' ualuh ngepulu' apat lak kinioneh. Idi na ieh nenecan Ruma' Allah, iamo' tebaco kedangan ieh sembayang nan Allah dengan mawa' idi mutuh ratnan Allah.

KEKAMEN RASUL-RASUL 10:30

Idi kebala Kornilius, “Teluh aco luk pangeh nepelaba, kareb tangal musul aco kudeng ini, ui nesembayang bang ruma'ku. Denak-denak selemulun netuped pa kiungku dengan ayung luk merasat,