DANIEL 9:2 - BALA LUK DO'

² Bang lak luk pun kareb ieh ngimet, ui ini Daniel sibada' ratnan Surat Tuhan idi nengerawé ratnan tabpa Yerusalim luk kinio tudu' ngepulu' lak, maya' kudeng luk bila Tuhan ni Nabi Yeremia.

DANIEL 9:2 Iomraidhean Croise

INUL LUK KEDUEH 36:21

Kudeng ineh lawéneh bala Tuhan luk bida' Yeremia pangeh icing: ieh ineh, “Tana' ini na ruen ku lati' tudu' ngepulu' lak kinioneh ku libal lak luk inandeh na ucu' nganau' lati'.”

ESRA 1:1

Bang lak luk pun-pun kareb imet Kores raca' Parsi, Tuhan nengegio niatneh pad ieh nengayud aceh surat uen lun maca' rayeh tang bang aput-aput imetneh, pelé ngacing bala Tuhan luk bida' Nabi Yeremia ineh.

NANI UBUR 119:24

UkumMu maré negku mawang niat; ideh mangun ku lun luk mada' negku.

YESAYA 64:10

Bawang-bawangMu luk meligan mangun ku su luk ali-ali, idi Yerusalim ineh aceh usag luk tican.

YEREMIA 1:1

Surat ini mada' ratnan luk bila idi luk inau' Yeremia. Yeremia ini anak Hilkia, seburur imam rat Anatot bang bawang Beniamin.

YEREMIA 25:18

Yerusalim idi amung-amung bawang Yahuda dengan raca'-raca' idi penguludeh nengirup abpa' ineh pad bawang ineh mangun ku su luk ali-ali. Idi amung-amung lemulun megagap nier luk pangeh nangun kuandeh, pad ngadandeh tetanen lemulun ku kediman. (Idi kudeng ini luk mangun macing aco sini.)

YEREMIA 26:18

“Kareb Raca' Hesekia nengimet bawang Yahuda, idi Nabi Mika rat Moreset nemada' nelun mula', kebalaneh, ‘Kudeng ini bala Tuhan luk Melalud: Sion miak uen ngeradu mepad kudeng lati'; Yerusalim miak mangun ku perupun batu mo', idi surud su inan Ruma' Allah miak mangun ku pulung.’

YEREMIA 26:6

Kudeng muyuh na maya' luk icukKu ini, idi Ui miak ngukum Ruma' Sembayang ini mepad kudeng luk inau'Ku déi' Silo. Amung pupu bang tana' ini miak neten ngadan bawang ini ku kediman.”

YEREMIA 27:7

Amung pupu miak mangun ku demulunneh, idi demulun anakneh, idi demulun mupunneh pana', pad macing tarekneh bawangneh sebuleng miak uen ngelaya'. Idi pupuneh sebuleng miak mangun ku demulun tuda'-tuda' pupu baken luk melalud idi raca'-raca' luk rayeh.

YEREMIA 29:10

“Kebala Tuhan, ‘Kareb mabud tudu' ngepulu' lak déi' Babil, Ui miak méi' nemuyuh idi maya' jani'Ku idi nguit nemuyuh muli'.

YEREMIA 7:34

Tana' ineh mangun ku su luk ali-ali. Idi déi' amung bawang Yahuda idi déi' iring dalan Yerusalim Ui miak ngagka' arod lemulun luk mawang niat idi do' ria', idi arod decur idi deléi luk sikal ngaweh.

TIDO YEREMIA 1:1

Nekini Yerusalim pelaba dat ali, ieh ineh bawang luk pelaba ula' lemulun atun! Atun ieh buren, iamo' nekini ieh mepad kudeng decur tinula'. Bawang luk meluun do' atun mangun ku demulun.

YEHISKIEL 29:11

Lemulun idi pung pana' na lemaba su ineh. Apat ngepulu' lak kinioneh na luk mulun su ineh.

DANIEL 9:3

Idi ui nesembayang inan Tuhan Allah, idi nemutuh rat Neneh, idi mawa' na kuman, idi nenacung, idi tudo luun abuh.

MIKA 3:12

Idi nekini, ngaceku sala' muyuh, Sion miak uen ngeradu mepad kudeng aceh lati', Yerusalim miak mangun ku aceh usag batu, idi surud su luk inan Ruma' Allah miak mangun ku pulung.

SEKARIA 1:12

Idi kebala melaikat ineh, “O Tuhan luk Melalud, Iko museh inan Yerusalim idi bawang-bawang Yahuda kinio tudu' ngepulu' lak. Tuda' ioké idi Iko mada' éi'Mu nedeh?”

SEKARIA 7:5

KebalaNeh, “Mada' nelun luk bang bawang ini dengan imam-imam, ieh ineh kareb ideh mawa' na kuman idi temido bang bulan limeh idi bulan tudu', kinio tudu' ngepulu' lak, idi na ideh nengubur Negku.

MATIUS 24:15

“Muyuh miak nier ‘Dat luk Ngacing Tot’ tuped bang su luk meligan, maya' kudeng luk bida' Nabi Daniel. (Do' lemulun luk maca' kali' ilungneh!)

MARKUS 13:14

“Muyuh miak nier ‘Dat luk Ngacing Tot’ ineh tuped su luk na petulu.” (Idi do' lemulun luk maca' kali' ilungneh!) “Kareb ineh do' lemulun luk ang tana' Yudia buro amé' luun pegkung.

KEKAMEN RASUL-RASUL 8:34

Idi lemulun luk pinani' ineh nepebala ni Pilipus, “Ui mutuh namu mada' negku ratnan idéké nabi nemada', ratnan bururneh sebulengké, kian ratnan lun baken lek?”

1 TIMOTIUS 4:13

Do' iko lutep ratnan maca' Surat Allah, mada', idi ngayud nelun sidang pad ui macing.

BALA LUK LINIO 1:3

Samal kuan lemulun luk maca' surat ini, idi samal kuan lemulun luk ninger bada' luk biré ini, idi luk maya' luk inayud bang surat ini, ngaceku karebneh pangeh muneng.