DANIEL 8:8 - BALA LUK DO'

⁸ Amék ineh amé' meluun medita' niat, iamo' kareb laludneh meluun rayeh idi unganeh neputul. Idi apat unga luk rayeh netemubu' ngelibal neneh, luk petulu ku apat lidung tana'.

DANIEL 8:8 Iomraidhean Croise

INUL LUK KEDUEH 26:16

Iamo' kareb Raca' Usia metueh, idi ieh iuk medita' niat, pad ieh mesala' pa kiung Allah, idi ieh nesemuet bang Ruma' Allah sikal ngeseb umau luk do' buen luun bubpun ineh.

ESTER 9:4

Aput imet ineh Mordekai mebala, ngaceku ieh luk meluun rayeh bang ruma' raca', idi tuehneh iuk-iuk amé' rayeh.

YEREMIA 49:36

Ui miak ngacing bui rat iapeh-iapeh luk malid pupu Elam amé' iapeh-iapeh, pad na luk idi bawang luk na ulek lemulun luk buro.

YEREMIA 5:27

Mepad kudeng lun luk ngakem suit manu' belalungdeh ku suit, kudeng ineh teh ideh manu' ruma'deh ku binaweh luk pinodeh. Ngaceku ineh, idi punneh ideh mangun ku lun do',

YEHISKIEL 16:7

Ui nenganau' namu temubu' mepad kudeng aceh tibu luk do' ulun. Iko iuk-iuk metueh idi medita', pad iko mangun ku anak adi' decur. Iti'mu petap rayeh, idi abpukmu mekadang, iamo' iko lubpa.

YEHISKIEL 28:9

Kareb ideh macing ngaté namu, miakké iko pebala iko allah? Kareb iko tuped pa kiung lun luk ngaté ngamu iko lemulun teh idi baken Tuhan.

DANIEL 11:4

Iamo' kareb ieh pelaba tueh, imetneh miak uen mabpat apat. Idi inulneh na miak ngimet. Luk baken miak ngelibal neneh, iamo' tuehdeh na mepad.

DANIEL 4:31

Kareb uned ieh pebala, idi inan tang rat déi' langit, “O Raca' Nebukadnesar, ninger balaKu. Nekini imetmu pangeh ilap rat namu.

DANIEL 5:20

Iamo' ngaceku ieh iuk medita' niat, idi na méi' nelun, idi ieh tila' ratnan kerusi raca', pad ieh na miak buren.

DANIEL 7:2

luk ratnan luk sinierku bang dacem ineh: Inan bui rat iapeh-iapeh luk nenganau' ribut déi' abpa rayeh.

DANIEL 7:6

Kareb ui nutong teh, idi teh ui nekali' aceh pung luk baken. Ayuneh mepad kudeng kuir. Idi luun ketedneh inan apat ilad, luk mepad kudeng ilad suit. Idi teh inan apat uluhneh! Idi ieh inan lalud ngimet.

DANIEL 8:22

Apat unga luk netemubu' kareb unga luk pun-pun ineh neputul, pinginud apat imet luk miak mangun ratnan pupu ineh, iamo' na ideh metueh mepad kudeng imet luk pun-pun ineh.

DANIEL 8:5

Kareb ui ngerawé luk sinierku ini, aceh amék upun rat pa acep aco idi ieh pelaba awer, pad kukudneh na mepisit i tana'. Ieh inan aceh unga luk rayeh arang matehneh.

DANIEL 8:7

Ui nenier neneh ngelaya' dumba ineh. Ieh pelaba gateh pad ieh nengeranik neneh, idi nemutul dueh unganeh ineh. Idi dumba ineh na metueh peh, idi ieh kinarung luun tana' idi ridu'. Idi seburur pana' nateh luk miak ngulun neneh.

MATIUS 24:31

Idi Ieh sikal ngecuk melaikat-melaikatNeh dengan serupit luk rayeh uni, pad ideh ngamung lun luk pinili'Neh ratnan apat busat bui, ieh ineh rat iring langit pad macing iring selipa.

MARKUS 13:27

Ieh miak ngecuk melaikat-melaikat ineh ngamung lun luk pinili'Neh ratnan apat busat bui, ieh ineh ratnan iring tana' macing iring langit.

BADA' RATNAN UKUM 31:20

Ui nguit nedeh amé' nan tana' luk mebaleng luk pangeh pijani'Ku nan tepundeh, idi ideh miak kuman pad mebor idi do' udeng, iamo' ideh pian lumi idi sembayang inan allah baken. Idi Ui uendeh ngedat, idi pejani'Ku pana' labéndeh.

BALA LUK LINIO 7:1

Pangeh ineh ui nenier apat melaikat luk tuped bang apat lidung tana', luk ngimet apat bui, pad bui na miak ngiup luun tana', abpa' rayeh, idi aceh lawa kayuh pana'.