DANIEL 7:9 - BALA LUK DO'

⁹ Kareb ui nenier, inan tuda'-tuda' kerusi raca' luk rireng. Idi Seburur luk mulun ruked-ruked tudo luun sebuleng kerusi ineh. AyungNeh mebuda' mepad kudeng salju, idi abpukNeh mepad kudeng buluh dumba luk do'. KerusiNeh mebudung ku apui, kudeng ineh teh rodaneh;

DANIEL 7:9 Iomraidhean Croise

RACA'-RACA' LUK PUN-PUN 22:19

Idi kebala Mikaya, “Ninger iko bala Tuhan. Ui pangeh nenier Tuhan tudo luun kerusiNeh. Idi amung melaikat luk déi' surga tuped pekop iringNeh.

INUL LUK KEDUEH 18:18

Idi kebala Mikaya, “Ninger iko bala Tuhan: Ui pangeh nenier Tuhan tudo luun kerusiNeh. Idi amung melaikat luk déi' surga tuped pekop iringNeh.

NANI UBUR 45:8

Idi luun kuyu'mu inan buen mur idi anit kadingau; idi bang ruma' raca' luk pelaba do' lun luk mileh nateg giula' ngawang niatmu.

NANI UBUR 90:2

Kareb nateh pegkung idi tana' pinudut, Iko Allah luk meruked dengan na punneh idi kekipedneh.

NANI UBUR 93:2

O Tuhan, kerusiMu meraben rat pun-pun, idi rat mon Iko idi.

YESAYA 6:1

Bang lak luk inan Raca' Usia naté idi ui nenier Tuhan. Ieh tudo luun kerusiNeh, idi Ieh medita' idi rayeh, idi teh kuyuh' boyorNeh maput Ruma' Allah ineh.

YESAYA 9:6

Anak ineh tinganak kuan tau, Anak deléi pangeh biré kuan tau! Idi amung-amung lalud uen ngerareng luun tudungNeh. Ieh miak tetanen “Luk Nan Mawa,” “Lun luk ngimet,” “Allah luk Melalud,” “Taman luk Meruked,” idi “Raca' Awang.”

YEREMIA 49:38

Ui miak ngaté amung raca' idi lun rayeh Elam, pad Ui ngeletep kerusiKu ieneh.

YEHISKIEL 1:26

Pa luun luk melibuh ineh inan luk mepad kudeng ayu kerusi luk inau' ratnan batu luk bata' langit, idi aceh ayu lemulun luk tudo luunneh.

DANIEL 7:13

Bang luk sinierku kareb medacem ineh, idi ui nenier luk kudeng ayu lemulun. Idi Ieh amé'-amé' muneng bang laput, idi Ieh iné' matun Neneh luk mulun ruked-ruked, idi Ieh kinuyut amé' pa kiungNeh.

DANIEL 7:22

Idi Luk mulun ruked-ruked iné' mutut ukum luk méi' nelun pupu Allah luk Meluun Rayeh. Tarekneh pangeh nacing kareb pupu Allah miak ngalap lalud raca'.

MIKA 5:2

“O Baitlahim Eprata, iko aceh bawang luk meluun isuut déi' Yahuda. Iamo' Ui nguit aceh Raca' rat namu kuan lun Israil, luk inul tetek ruma'deh rat mon.”

HABAKUK 1:12

O Tuhan, Iko luk Allah rat pun-pun. Iko ineh luk Allahku luk meligan idi meruked. Tuhan Allahku, Iko luk matar negku. Iko pangeh nemili' idi nengetueh nelun Babil, pad ideh miak ngukum nekai.

MATIUS 17:2

Kareb diteluh nenier Yésus, idi ayuNeh nisu' pa kiung diteluh, idi kiungNeh merasat mepad kudeng mateh aco, idi ayungNeh pana' mebuda' mepad kudeng acang teh.

MATIUS 28:3

Ayuneh mepad kudeng kilep, idi ayungneh mebuda' kudeng salju.

MARKUS 9:3

Idi ayungNeh merasat, idi pelaba buda', pad seburur lemulun bang tana' ini na miak mupu' pad mebuda' kudeng ineh.

KEKAMEN RASUL-RASUL 2:30

Ieh ineh aceh nabi, idi pangeh nekali' pejani' Allah neneh: Allah nepebulung ratnan Ieh sikal nganau' aceh inul Daud mangun ku raca', mepad kudeng Daud,

KEKAMEN RASUL-RASUL 2:33

Ieh pangeh kinikit, pad tudo pa tinueh Allah, idi Ieh nengalap rat Neneh Roh Meligan, idi inutangNeh Roh ineh maya' kudeng jani' TamanNeh, idi luk sinier muyuh idi luk pindenger muyuh nekini, ieh ineh baréNeh luk inutangNeh kuan kai.

PILIPI 3:9

pelé ui mangun ku sebuleng denganNeh, baken dengan luk matu ratnan bururku sebuleng idi ratnan Ukum teh, iamo' dengan luk matu ineh luk nacing ngaceku anu inan Keristus, ieh ineh luk matu ratnan Allah ngaceku manu.

1 TIMOTIUS 6:16

Ieh sebuleng mo' na miak maté. Ieh tudo bang acang luk na miak mesier, luk na tu-tu sinier idi luk na miak siren seburur lemulun. Amung-amung ubur idi lalud kuanNeh, ruked-ruked! Amin.

1 YAHYA 1:5

Idi ini bada' AnakNeh luk pangeh pindenger kai rat Neneh, idi mada' kuan muyuh teh: idi Allah, Ieh ineh acang idi na tu-tu inan dacem bang Neneh.

BALA LUK LINIO 1:14

AbpukNeh mebuda', mepad kudeng buluh anak dumba luk mebuda' idi salju pana'; idi matehNeh mepad kudeng budung apui:

BALA LUK LINIO 19:18

Amé' kuman uang raca'-raca', lun rayeh baweh, idi lun pebunu', idi uang kuda-kuda, uang lemulun luk tudo luun keteddeh idi uang amung-amung lemulun, do' lun do' idi demulun, do' luk isuut idi luk rayeh pana'.”

BALA LUK LINIO 20:4

Idi ui nenier tuda'-tuda' kerusi, idi inan lemulun luk tudo luundeh, idi kuandeh ineh pangeh biré lalud ngukum. Idi teh ui nenier niat lemulun luk kileb uluhdeh ngaceku maré kali' ratnan Yésus idi bala Allah. Ideh na nesembayang inan pung ineh idi akangneh, idi ideh na inan etu nan madu'deh idi bang paladdeh. Idi ideh ineh mo' luk muli' mulun idi ngimet pad-pad dengan Keristus meribu lak kinioneh.

BALA LUK LINIO 4:2

Petacu ui tigio Roh, idi inan aceh kerusi déi' surga idi inan Luk tudo luun kerusi ineh teh.