DANIEL 7:5 - BALA LUK DO'

⁵ Idi ui nenier pung luk kedueh ineh. Idi ayuneh mepad kudeng beruang luk tuped kudeng lemulun. Idi inan teluh tulang sigarang bang tangneh, idi inan aceh tang luk nepebala neneh, “Kuman uang pung pad iko mebor.”

DANIEL 7:5 Iomraidhean Croise

RACA'-RACA' LUK KEDUEH 2:24

Elisa nelumi idi nenutong nedeh. Idi ieh nengediman nedeh dengan ngadan Tuhan. Idi nacing dueh beruang tineh rat bang pulung idi nengeramit apat ngepulu' dueh bururdeh.

BALE' 17:12

Meluun do' papu' beruang tineh luk museh ku anakneh luk na idi, ratnan papu' lemulun luk mebacé luk nganau' kekamenneh luk mebacé.

YESAYA 56:9

Tuhan ngecuk pupu baken amé' kuman pupuNeh, mepad kudeng pung luk meliput.

DANIEL 11:2

Idi nekini Ui pian mada' namu ratnan luk matu.” Kebala Melaikat ineh, “Teluh raca' teh miak ngimet Parsi, idi pangeh ineh luk keapat, ieh ineh raca' luk meluun ula' binaweh ratnan raca' luk baken ineh. Idi kareb ieh pelaba tueh dengan pelaba ula' binaweh, idi ieh pian metueh ratnan imet Grika.

DANIEL 2:39

Muci rat namu inan aceh imet luk baken, iamo' na ieh mepad rayeh kudeng imetmu. Idi muci ratnan ineh inan aceh imet luk keteluh luk ratnan tekaling, luk miak ngimet aput tana'.

DANIEL 5:28

mabpat, imetmu pangeh bibpat idi biré nelun Midi idi Parsi.”

DANIEL 7:4

Sebuleng mepad kudeng balang ayuneh, luk inan ilad mepad kudeng kanui. Kareb ui nenutong neneh, denak-denak iladneh nebubput. Idi pung ineh kiniding, pad ieh netuped mepad kudeng lemulun. Idi terawé lemulun biré kuanneh.

DANIEL 7:6

Kareb ui nutong teh, idi teh ui nekali' aceh pung luk baken. Ayuneh mepad kudeng kuir. Idi luun ketedneh inan apat ilad, luk mepad kudeng ilad suit. Idi teh inan apat uluhneh! Idi ieh inan lalud ngimet.

HOSIA 13:8

Ui ngurak nemuyuh mepad kudeng beruang tineh luk nepatad ratnan anakneh idi ngerarak nemuyuh. Mepad kudeng balang Ui miak petacu kuman nemuyuh, idi ngerarak nemuyuh mepad kudeng pung luk meliput.

BALA LUK LINIO 13:2

Ayu pung luk sinierku ineh mepad kudeng kuir, kukudneh mepad kudeng kukud beruang, idi tangneh mepad kudeng tang balang. Idi galau ineh nemaré kuanneh tuehneh, kerusineh, idi laludneh luk rayeh.