DANIEL 7:2 - BALA LUK DO'

² luk ratnan luk sinierku bang dacem ineh: Inan bui rat iapeh-iapeh luk nenganau' ribut déi' abpa rayeh.

DANIEL 7:2 Iomraidhean Croise

YESAYA 17:12

Pupu luk rayeh uned meria' dengan arod luk mepad kudeng beri abpa' rayeh, kareb mula' ribut.

YEREMIA 49:36

Ui miak ngacing bui rat iapeh-iapeh luk malid pupu Elam amé' iapeh-iapeh, pad na luk idi bawang luk na ulek lemulun luk buro.

YEREMIA 51:42

Abpa' rayeh netemubu' idi nengereb Babil.

DANIEL 11:4

Iamo' kareb ieh pelaba tueh, imetneh miak uen mabpat apat. Idi inulneh na miak ngimet. Luk baken miak ngelibal neneh, iamo' tuehdeh na mepad.

DANIEL 2:19

Idi malem ineh pana' luk inalum ineh linio kuan Daniel bang aceh luk sinierneh, idi ieh nengubur Allah Surga: Kebalaneh,

DANIEL 7:13

Bang luk sinierku kareb medacem ineh, idi ui nenier luk kudeng ayu lemulun. Idi Ieh amé'-amé' muneng bang laput, idi Ieh iné' matun Neneh luk mulun ruked-ruked, idi Ieh kinuyut amé' pa kiungNeh.

DANIEL 7:7

Kareb ui nenutong, ui nekali' pung luk keapat ineh. Ieh luk inan matot. Idi ieh pelaba dat, idi melalud. Ieh inan lipen belawan luk pelaba rayeh, idi ieh megéi' kuman, idi ieh ngeradu' luk amung-amung. Idi ayuneh baken ratnan amung pung ineh. Ieh inan pulu' unga,

DANIEL 8:2

Idi bang luk sinierku ineh, denak-denak ui idi bang bawang Susa luk linibung ineh, luk déi' bang babpat Elam. Ui netuped tangeb Abpa' Ulai.

DANIEL 8:8

Amék ineh amé' meluun medita' niat, iamo' kareb laludneh meluun rayeh idi unganeh neputul. Idi apat unga luk rayeh netemubu' ngelibal neneh, luk petulu ku apat lidung tana'.

SEKARIA 6:5

Idi kebalaneh, “Ieh ineh apat bui, luk pangeh nacing rat pa kiung Tuhan amung tana' ini.”

MATIUS 24:31

Idi Ieh sikal ngecuk melaikat-melaikatNeh dengan serupit luk rayeh uni, pad ideh ngamung lun luk pinili'Neh ratnan apat busat bui, ieh ineh rat iring langit pad macing iring selipa.

BALA LUK LINIO 17:15

Idi kebala melaikat negku, “Abpa' luk siniermu ineh su luk inan decur luk mesawa ineh tudo, ieh ineh tuda'-tuda' inul, babpat, pupu, idi buri'.

BALA LUK LINIO 7:1

Pangeh ineh ui nenier apat melaikat luk tuped bang apat lidung tana', luk ngimet apat bui, pad bui na miak ngiup luun tana', abpa' rayeh, idi aceh lawa kayuh pana'.