DANIEL 7:10 - BALA LUK DO'

¹⁰ idi apui neremuat ratnan kerusi ineh mepad kudeng abpa' luk manud. Idi ribu-ribu lemulun ngedengan Neneh, idi teh meluun ula' ratnan ineh netuped pa kiungNeh. Idi ideh nengukab amung surat idi ideh nengimun besara'.

DANIEL 7:10 Iomraidhean Croise

RACA'-RACA' LUK PUN-PUN 22:19

Idi kebala Mikaya, “Ninger iko bala Tuhan. Ui pangeh nenier Tuhan tudo luun kerusiNeh. Idi amung melaikat luk déi' surga tuped pekop iringNeh.

INUL LUK KEDUEH 18:18

Idi kebala Mikaya, “Ninger iko bala Tuhan: Ui pangeh nenier Tuhan tudo luun kerusiNeh. Idi amung melaikat luk déi' surga tuped pekop iringNeh.

AYUB 25:3

Miakké lemulun ngiap melaikat luk ngakem kuanNeh? Inanké su luk na merasat ku acang Allah?

NANI UBUR 103:21

Ngubur Tuhan, O amung muyuh luk melalud déi' surga, muyuh luk demulunNeh, luk nganau' luk pianNeh!

NANI UBUR 18:8

Rabpun neremuat rat bang icungNeh. Bareh idi budung apui luk ngeseb neremuat rat bang tangNeh.

NANI UBUR 50:3

Allah tau macing dengan na lulem; idi budung apui luk rayeh pa atunNeh, idi barui luk rayeh libutNeh.

NANI UBUR 68:17

Tuhan macing rat Sinai idi amé' su luk meligan, dengan tuda'-tuda' ngeribu kerétaNeh.

YESAYA 30:27

Lalud idi rayeh Allah miak siren rat mado! Apui idi rabpun ngegala' usehNeh. Ieh pebala, idi balaNeh ngeseb mepad kudeng apui.

YESAYA 30:33

Mon, aceh apui su luk inan ngeseb raca' Asur pangeh tinina'. Ieh medalem idi rayeh pipang, idi pelaba ula' kayuh apui binuun su ineh. Tuhan miak nginiat luun bubpun ineh, idi niatNeh mepad kudeng aceh arur apui pelé ngeseb amung ineh.

DANIEL 12:1

“Kareb ineh, Mikail, melaikat luk rayeh ineh luk matar pupumu miak silagan. Idi kareb ineh inan mula' susa', luk meluun dat ratnan luk nekali' pupu ineh rat pun-pun. Kareb ineh amung pupumu, luk kuan ngadan inayud bang Surat Allah miak uen ngulun.

DANIEL 7:22

Idi Luk mulun ruked-ruked iné' mutut ukum luk méi' nelun pupu Allah luk Meluun Rayeh. Tarekneh pangeh nacing kareb pupu Allah miak ngalap lalud raca'.

DANIEL 7:26

Idi besara' ineh miak ngimun, idi ngagka' laludneh idi ngaté neneh.

SEKARIA 14:5

Muyuh miak buro maya' raked ineh, luk macing bal déi' pegkung ineh. Muyuh miak buro mepad kudeng luk inau' tepun muyuh kareb tana' meruyuh, kareb imet Usia, raca' Yahuda. Tuhan Allahku miak macing dengan amung melaiaktNeh.

MATIUS 25:31

“Kareb Anak-Lemulun macing mangun ku raca' dengan amung melaikatNeh, idi Ieh miak tudo luun kerusiNeh,

BADA' RATNAN UKUM 33:2

Idi kebalaneh: “Tuhan nacing rat Pegkung Sinai, idi merasat rat Edom, Ieh nesilagan rat Pegkung Paran Ieh linibut pulu' ngeribu melaikat luk meligan, dengan apui mekilep pa tinuehNeh.

IBERANI 1:14

Idéké melaikat-melaikat ineh? Bakenké amung-amung ini roh luk ngakem kuan Allah, luk icukNeh ngedengan lemulun luk ngalap ulun luk meruked, pad ideh miak ngasa' nedeh?

IBERANI 12:22

Iamo' muyuh pangeh nacing déi' Pegkung Sion, idi bawang Allah luk mulun, ieh ineh Yerusalim luk déi' surga, dengan tuda'-tuda' ngeribu melaikat pana'.

YAHUDA 1:14

Idi kuandeh ineh teh Enok, mupun luk keanem ratnan Adam, nemada' atun, keburi'neh, “Siruh, Tuhan macing dengan tuda'-tda' ngepulu' ribu melaikatNeh luk meligan,

BALA LUK LINIO 11:18

Lun luk na manu megateh niat ngaceku aco usehMu pangeh nacing, idi lun maté miak kumin. Ini karebneh inan maré tabpar kuan demulunMu, nabi-nabi, idi amung pupuMu luk matot Namu, do' luk isuut idi luk rayeh pana'. Ini karebneh inan ngaté amung lemulun luk ngusag tana' ini.”

BALA LUK LINIO 5:11

Idi teh ui nenier, idi neninger uni tang melaikat luk mula' libut-libut kerusi ineh idi apat pudut luk mulun idi amung-amung lun rayeh ineh. Inan tuda'-tuda' ngeribu idi tuda'-tuda' ngepulu' ribu melaikat ineh.