DANIEL 7:1 - BALA LUK DO'

¹ Bang lak luk pun-pun kareb imet Belsasar, raca' Babil, idi ui ini Daniel nenginupi idi nenier aceh luk nekali'ku kareb medacem. Idi ui nengayud nupi ineh, idi ini bala

DANIEL 7:1 Iomraidhean Croise

PUDUT 15:1

Pangeh ineh, bala Tuhan nacing kuan Abram bang aceh luk sinierneh. “Aleg iko matot, Abram, ngaceku Ui luk utapmu. Idi rayeh tu tabparmu.”

PUDUT 46:2

Idi Allah nepebala neneh bang aceh luk sinierneh kareb malem, kebalaneh, “O Yakub, Yakub!” Idi kebala Yakub, “Anun idi, Tuhan?”

AYUB 4:13

Ieh mepad kudeng nupi luk ngesabeng rudapku.

YESAYA 30:8

Allah nengecuk negku ngayud kekamen pupu ineh bang aceh surat, luk mangun ku tanu' ratnan lawédeh macing ruked-ruked.

YESAYA 8:1

Kebala Tuhan negku, “Ngalap aceh luk inan ngayud luk rayeh, idi ngayud dengan urup luk mekara: ‘Miket Ngaro, Saget Ngalap.’

YEREMIA 23:28

Do' nabi luk pangeh nenginupi pebala, ‘Ui pangeh nenginupi mo',’ iamo' do' nabi luk pangeh neninger balaKu mada' bala ineh dengan luk matu. Lipang padé na miak uen maad dengan bera.

YEREMIA 27:7

Amung pupu miak mangun ku demulunneh, idi demulun anakneh, idi demulun mupunneh pana', pad macing tarekneh bawangneh sebuleng miak uen ngelaya'. Idi pupuneh sebuleng miak mangun ku demulun tuda'-tuda' pupu baken luk melalud idi raca'-raca' luk rayeh.

YEREMIA 36:32

Idi Yeremia nengalap aceh geretas teh idi nemaré ineh kuan Baruk, lun luk ngayud ineh. Idi ieh nengayud amung-amung luk bida' Yeremia. Ieh nengayud amung bala luk pangeh inayud bang surat luk iseb Raca' Yoyakim. Idi Yeremia nengecuk neneh ngayud tuda'-tuda' bala luk kudeng ineh teh.

YEREMIA 36:4

Idi Yeremia nenawar ni Baruk Neria idi nengecuk neneh ngayud amung-amung luk bila Tuhan ni Yeremia. Idi Baruk nengayud amung ineh luun geretas.

YEHISKIEL 1:1

Limeh aco bulan apat bang lak luk keteluh ngepulu', ui tudo dengan lun Yahudi luk tiban déi' tangeb Abpa' Kibar luk déi' bawang Babil.

YEHISKIEL 40:2

Bang luk sinierku Allah nenguit negku iné' bawang Israil idi Ieh nengerareng negku luun pegkung luk medita'. Ui nenier pa atunku tuda'-tuda' pudut mepad kudeng ayu bawang rayeh.

DANIEL 1:17

Allah nemaré inan apat anak adi' ineh ileh ratnan amung-amung surat idi teh terawé luk medalem. Idi Ieh nemaré ni Daniel ileh ngelio luk sinier idi nupi pana'.

DANIEL 2:1

Bang lak luk kedueh kareb imet Nebukadnesar idi ieh nenginupi. Idi ieh megagau ngerawé nupineh pad ieh na rudap.

DANIEL 2:26

Idi kebala raca' ni Daniel (luk titen Beltesasar), “Miakké iko mada' nupiku idi ilungneh negku?”

DANIEL 4:13

“Kareb ui uned ngerawé luk sinierku ineh, idi ui nekali' aceh melaikat luk megéi' matar netemurun rat surga.

DANIEL 4:5

Iamo' ui inan aceh nupi luk ngatot negku, idi ui nekali' luk inan matot ineh kareb ui rudap.

DANIEL 5:1

Kareb imet Belsasar, idi ieh nenawar meribu lun rayeh amé' ku irauneh luk rayeh. Idi ideh nengirup abpa' anggur.

DANIEL 5:22

“Idi iko ini luk anakneh na nengebeneh bururmu, sagan pana' iko pangeh nekali' amung-amung ini.

DANIEL 5:30

Idi dacem ineh Belsasar, raca' Babil ineh pinaté.

DANIEL 7:13

Bang luk sinierku kareb medacem ineh, idi ui nenier luk kudeng ayu lemulun. Idi Ieh amé'-amé' muneng bang laput, idi Ieh iné' matun Neneh luk mulun ruked-ruked, idi Ieh kinuyut amé' pa kiungNeh.

DANIEL 7:15

Luk sinierku ineh nengagap negku, pad ui mengagau.

DANIEL 7:7

Kareb ui nenutong, ui nekali' pung luk keapat ineh. Ieh luk inan matot. Idi ieh pelaba dat, idi melalud. Ieh inan lipen belawan luk pelaba rayeh, idi ieh megéi' kuman, idi ieh ngeradu' luk amung-amung. Idi ayuneh baken ratnan amung pung ineh. Ieh inan pulu' unga,

DANIEL 8:1

Bang lak luk keteluh kareb imet Belsasar, ui ini Daniel nekali' aceh luk sinierku baruh teh.

YOEL 2:28

“Muci Ui miak ngutang RohKu luun amung-amung lemulun: anak muyuh luk deléi idi decur miak mada' bala luk barénKu, idi deléi muyuh luk mengered miak nginupi, idi anak adi' deléi muyuh miak nier luk sirendeh.

AMOS 3:7

Tuhan na nganau' anun-anun dengan na ngegala' terawéNeh kuan demulunNeh lun nabi.

HABAKUK 2:2

Tuhan nemaré or ini negku, “Do' ngayud luun balad tana' salit, luk ruenKu ngelio namu, pad ineh malé uen maca'!

IAP 12:6

Idi kebala Tuhan, “Ninger medueh balaKu ini! Kudeng inan nabi Tuhan arang muyuh, Ui ini Tuhan ngelagan bururKu neneh bang luk sirenneh, idi pebala neneh bang nupineh.

SURAT LUK BIRE PAULUS KUAN LUN RUM 15:4

Ngaceku amung-amung luk pangeh inayud bang Surat Allah, pangeh inayud pad mangun ku bada' kuan tau, pelé tau ngalap rapet ratnan ulai niat idi ubuk luk barén kuan tau bang surat ineh.

2 KORINTUS 12:1

Ui na miak na ngedita' bururku, sagan pana' na ulek. Ngaceku ui sikal mada' ratnan luk sinierku idi bala luk linio ratnan Tuhan.

BALA LUK LINIO 1:19

Ngaceku ineh do' iko ngayud anun-anun luk sirenmu, do' anun-anun luk bang kareb ini, idi luk miak macing teh.

BALA LUK LINIO 10:4

Kareb tudu' lalam ineh pangeh muni, ui temina' ngayud, idi ui neninger aceh arod rat bang langit, kebalaneh, “Ngetu anun-anun luk pangeh bila tudu' lalam ineh, idi aleg ngayud ineh.”