DANIEL 6:2 - BALA LUK DO'

² Idi ieh nemili' ni Daniel dengan dueh burur lun baken mangun ku lun ngimet pa luun pengulu ineh idi teh ngedengan raca'.

DANIEL 6:2 Iomraidhean Croise

ESRA 4:22

Ngerawé do'-do' aleg muyu ngesidan ku ecukku ini, pad dat ineh na ngesusa' negku.”

ESTER 7:4

Ui ini idi pupuku pangeh pinasui pad miak pitayen macing mabud. Kudeng kai pisuen mangun ku demulun, kali' rungen ui ungeng idi na ngesusa' raca' ku dereh kai.”

BALE' 26:6

Lemulun luk nima' lun luk mebacé nated bala, mepad kudeng lemulun luk nangal kukudneh ngaceku ieh nakap susa'.

BALE' 3:16

Ileh maré namu ulun luk mekadang, mula' binaweh, idi ubur.

DANIEL 5:16

Idi ui neninger idi iko luk kali' luk medalem idi luk inalum. Kudeng iko mileh maca' ayud ini idi mada' ilungneh negku, idi iko uen ngayung ku kuyu' boyor luk sia' merirem, idi ratai amas miak ruen ku banému, idi iko miak ngalap ngadan luk keteluh bang imet bawang ini.”

DANIEL 5:29

Idi petacu Belsasar nengecuk nelun dukenneh ngayung ni Daniel ku kuyu' boyor luk sia' merirem idi ratai amas inau' ku banéneh, idi Belsasar nemaré neneh ngadan luk keteluh bang imetneh.

DANIEL 5:7

Idi ieh nengitang mutuh nelun nguit lun luk mangun, lun luk nawar ada', idi lun luk mileh kali' gituen. Idi kareb ideh nacing, kebala raca' nedeh, “Idé-idé luk mileh maca' ayud ini idi mada' ilungneh negku, idi ieh uen ngayung ku kuyu' boyor luk sia' merirem, idi ratai amas miak ruen ku banéneh, idi ieh miak ngalap ngadan luk keteluh bang imet bawang ini.”

DANIEL 6:1

Idi Darius nemili' 120 pengulu luk miak ngimet aput-aput imetneh.

MATIUS 18:23

Ngaceku ineh Imet surga mepad kudeng aceh raca' luk sikal mupud baleh ratnan lun tebarinneh.

LUKAS 16:2

Idi tuan ineh nenawar neneh, idi kebalaneh, ‘Anunké luk pindengerku ratnan iko luk inadu' lun? Maré negku nekini aceh surat luk ngegala' ratnan binawehku luk bang paladmu, ngaceku na iko miak mangun ku lun ngasa' binawehku peh.’

1 KORINTUS 4:2

Idi luk petulu kuan lun ngasa', do' ieh lutep inan tuanneh.

SEMUIL LUK PUN-PUN 2:30

Ui ini Tuhan Allah lun Israil pangeh nepejani', pad lun bang tetek ruma'mu idi inulmu pana' miak mangun ku imam kuanKu macing ruked-ruked. Iamo' nekini Ui ini Tuhan pebala, “Na Ui nganau' kudeng ineh! Iamo' idé-idé luk ngubur Negku miak buren. Idi idé-idé luk ngesala' Negku, ieh ineh miak uen ngedereh.