1 Kareb imet Belsasar, idi ieh nenawar meribu lun rayeh amé' ku irauneh luk rayeh. Idi ideh nengirup abpa' anggur.
Pangeh teluh aco, ieh ineh aco luk inan raca' tinganak, ieh nenganau' irau kuan amung-amung lun tarehneh. Idi ieh nengeruat lun rayeh lun luk maré luk rupen idi lun rayeh lun luk nganau' ruti ineh rat bang tutup, idi nenguit nedidueh amé' pa kiung amung-amung lun tarehneh.
Bang lak luk keteluh bang imetneh ieh nenganau' irau kuan amung pengulu idi lun rayehneh. Amung baweh Parsi idi Midi idi, dengan pengulu idi lun rayeh anid bawang ineh.
Tuhan luk Melalud nengecuk nemuyuh nangi' idi temido, ngiki uluh muyuh idi nacung.
Kebala Tuhan Allah luk Melalud negku, “Ideh na miak ngalap do' ratnan dat ini ruked ulundeh. Ui ini Allah luk Melalud pangeh nepebala.”
Kebala Tuhan, “Até kuan Babil! Até kuan pupuneh, idi kuan lun rayeh idi lun mileh pana'.
Matuké ideh manga. Ui miak nganau' aceh irau kuandeh. Idi Ui miak nganau' nedeh mabuk idi mawang niat. Ideh miak rudap idi na kulat teh.
Ui miak ngabuk nelun luk ngimet neneh — lun luk mileh, lun rayeh, idi lun pebunu'. Ideh miak rudap, idi na kulat. Ui ini luk raca' pangeh nepebala, Ui ini Tuhan luk Melalud.
Idi dacem ineh Belsasar, raca' Babil ineh pinaté.
Mepad kudeng tabpa' luk mepamung idi geramih luk tekering muyuh miak sabpen!