DANIEL 4:8 - BALA LUK DO'

⁸ Pangeh ineh Daniel iné' negku (ieh ineh luk titen Beltesasar maya' ngadan allahku.) Idi Roh Allah luk Meligan idi bang neneh. Ngaceku ineh ui nemada' nupiku neneh.

DANIEL 4:8 Iomraidhean Croise

PUDUT 41:38

Idi kebala raca' nedeh, “Tau na miak mili' seburur luk meluun do' ratnan Yusup luk inan Roh Allah bang neneh.”

YESAYA 46:1

“Ini kekiped amung akang Babil! Bel idi Nebo luk inandeh sembayang atun, nekini baben luun keted keladai luk melaya'.

YESAYA 63:11

Iamo' ideh nengerawé ratnan luk nepangeh, kareb Musa, demulun Tuhan ineh, idi kebaladeh, “Iapehké Tuhan ineh luk nengulun lun rayeh pupuNeh ratnan abpa' rayeh? Iapehké Tuhan ineh luk nemaré RohNeh luk Meligan ni Musa?

YEREMIA 50:2

“Mada' bala ini kuan amung pupu! Nateg tawak, idi maré kali'! Aleg ngalum ineh! Babil pangeh netabpa! Akangneh Marduk pangeh nebila'! Idi amung akang Babil pangeh inigu'. Amung akang luk inan megani' pangeh inusag!

YEHISKIEL 17:23

ieh ineh pegkung Israil luk meluun dita'. Ieh miak inan angat idi kebua', pad ieh mangun ku tumuh luk meluun do'. Tuda'-tuda' suit miak mulun su ineh, idi nganau' arardeh luun angatneh.

DANIEL 1:7

Lun rayeh lun duken raca' nemaré nedeh ngadan baruh, ieh ineh Beltesasar, Sadrak, Misak, idi Abednego.

DANIEL 2:11

Luk initun raca' ineh pelaba ikat, pad allah-allah mo' sebuleng miak kali' ilungneh, iamo' na ideh tudo arang lemulun.”

DANIEL 2:26

Idi kebala raca' ni Daniel (luk titen Beltesasar), “Miakké iko mada' nupiku idi ilungneh negku?”

DANIEL 3:14

Idi kebalaneh nediteluh, “Sadrak, Misak, idi Abednego, matuké meteluh ara' sembayang inan allahku idi na tekeradung pa kiung akang luk inau'ku ineh?

DANIEL 4:18

“Ini nupiku,” kebala raca' Nebukadnesar, “Nekini, Beltesasar, do' mada' ilungneh negku. Lun mileh luk ngedengan negku na miak mada' ilungneh negku, iamo' iko luk miak mada' negku, ngaceku Roh Allah luk Meligan idi bang namu.”

DANIEL 4:9

Kebalaku neneh: O Beltesasar, luk lun rayeh amung lun luk mileh nier, ui kali' Roh Allah luk Meligan idi bang namu, idi iko kali' amung-amung luk inalum. Ini nupiku. Mada ilungneh negku.

DANIEL 5:14

Ui neninger idi Roh Allah idi bang namu, pad iko mileh idi do' kali'.