DANIEL 4:5 - BALA LUK DO'

⁵ Iamo' ui inan aceh nupi luk ngatot negku, idi ui nekali' luk inan matot ineh kareb ui rudap.

DANIEL 4:5 Iomraidhean Croise

PUDUT 41:1

Pangeh dueh lak, idi raca' Masir nenginupi. Bang nupineh ieh tuped tangeh Abpa' Nil.

DANIEL 1:7

Lun rayeh lun duken raca' nemaré nedeh ngadan baruh, ieh ineh Beltesasar, Sadrak, Misak, idi Abednego.

DANIEL 2:1

Bang lak luk kedueh kareb imet Nebukadnesar idi ieh nenginupi. Idi ieh megagau ngerawé nupineh pad ieh na rudap.

DANIEL 2:3

idi kebalaneh nedeh, “Ui inan nupi luk ngagau negku. Ui pian kali' ratnan ineh.”

DANIEL 4:10

“Kareb ui rudap idi ui nekali' aceh kayuh luk pelaba dita' uned tana' ini.

DANIEL 4:13

“Kareb ui uned ngerawé luk sinierku ineh, idi ui nekali' aceh melaikat luk megéi' matar netemurun rat surga.

DANIEL 4:15

Iamo' necan tuedneh bang tana', idi ngelilid neneh ku belawan idi tekaling. Idi nima' neneh su ineh dengan uduh. “ ‘Nima' ipup mebpeh luun lemulun ini, idi nima' neneh tudo dengan pung idi tibu-tibu.

DANIEL 4:19

Idi Daniel (luk titen Beltesasar) pelaba susa' niat, pad na luk belénneh. Idi kebala raca' neneh, “O Beltesasar, aleg iko dat niat ngaceku ilung nupiku ini.” Kebala Beltesasar, “Meluun do', O raca', kudeng nupimu ineh uen ngacing kuan bunu'mu.

DANIEL 5:10

Idi tinan raca' neninger ria' raca' idi lun rayehneh ineh, idi ieh iné' sikang. Kebalaneh, “Do' raca' mipu ulun! Ngudeh iko megagau idi mebudi kiung?

DANIEL 5:11

Inan seburur lemulun bang imetmu luk inan Roh Allah luk Meligan. Kareb tamanmu raca', lemulun ini luk do' kali', idi ilehneh mepad kudeng ileh allah. Idi tamanmu Raca' Nebukadnesar nengeletep neneh ku lun rayeh lun luk mileh nier, lun luk mileh mangun, lun luk mileh nawar ada', idi lun luk mileh kali' gituen.

DANIEL 7:1

Bang lak luk pun-pun kareb imet Belsasar, raca' Babil, idi ui ini Daniel nenginupi idi nenier aceh luk nekali'ku kareb medacem. Idi ui nengayud nupi ineh, idi ini bala

DANIEL 7:28

Idi ini kekiped balaneh. Ui ini Daniel pelaba tot pad kiungku mebudi, iamo' ui nenganug bala ini bang niatku.