DANIEL 4:3 - BALA LUK DO'

³ “Kudeng apeh rayeh kekamen Allah luk inan mawa luk linio kuan tau! Pelaba lalud amung-amung tanu' luk inau'Neh! Allah ineh raca' luk ngimet macing ruked-ruked.

DANIEL 4:3 Iomraidhean Croise

NANI UBUR 104:24

O Tuhan, luk inau'Mu pelaba ula'! Iko pelaba ileh nenganau' nedeh! Tana' ini mepanu' ku pung luk pinudutMu.

NANI UBUR 105:27

Didueh nenganau' kekamen Allah luk melalud, idi tanu' luk nan mawa déi' tana' Masir.

NANI UBUR 145:13

ImetMu meruked, idi Iko Raca' macing ruked-ruked. Allah lutep maya' jani'Neh, idi maung luk ruenNeh do'.

NANI UBUR 66:7

Dengan laludNeh Ieh ngimet ruked-ruked, idi matar amung-amung pupu, pad na luk dat sikal metueh rat Neneh!

NANI UBUR 72:18

Ngubur Tuhan Allah lun Israil, Ieh sebuleng nganau' kekamen ini luk inan mawa!

NANI UBUR 77:19

Iko nenalan idi neguta abpa' rayeh idi ribaruh pana', iamo' lengayanMu na melagan.

NANI UBUR 86:10

ngaceku Iko luk melalud, idi luk nganau' kekamen luk inan mawa; Iko sebuleng mo' luk Allah.

NANI UBUR 92:5

Pelaba rayeh kekamenMu, O Tuhan, idi terawéMu pelaba dalem!

YESAYA 25:1

O Tuhan, Iko ineh Allahku, Ui ngerayeh Namu, idi ngubur ngadanMu; Iko nenganau' kekamen luk inan mawa; Iko lutep ngacing luk tirawéMu mon.

YESAYA 28:29

Ileh ineh macing ratnan Tuhan luk Melalud. Ieh pelaba ileh mada'. Idi amung luk teruayenNeh pana' meriput teh.

YESAYA 9:7

Lalud luk Neneh iuk-iuk temubu' idi imetNeh megéi' do' udeng. Ieh miak ngelibal imet Raca' Daud. Luk matu idi mesiri mangun ku lawa laludNeh, rat kareb ini macing kekipedneh. Tuhan luk Melalud miak ngeletep amung ineh.

YEREMIA 10:10

Iamo' Tuhan ineh Allah luk matu, Allah luk mulun idi Raca' luk meruked. Kareb Ieh museh tana' meruyuh; idi amung pupu na tuman ku usehNeh. (

DANIEL 2:2

Idi ieh neneteng nelun luk mileh nier, lun luk mangun, lun luk melalud ratnan gimet, idi lun luk nawar ada', pad ideh ngelio nupi ineh kuanneh. Kareb ideh nacing idi tuped pa kiung raca',

DANIEL 2:44

Idi kareb raca'-raca' ineh ngimet, Raca' Surga miak ngeletep aceh imet luk na kekipedneh. Imet ineh na miak uen ngelaya', iamo' ieh miak ngusag amung-amung imet luk baken. Idi ieh miak meraben macing ruked-ruked.

DANIEL 4:17

Ini luk pinutut melaikat-melaikat luk megéi' matar. Do' ngegala' kuan lemulun luk aput-aput tana' ratnan Allah luk Meluun Rayeh luk melalud ratnan amung-amung imet lemulun luk bang tana' ini. Ieh miak ngikit idé-idé luk pianNeh mangun ku raca' — sagan pana' ieh lemulun luk meluun isuut.’

DANIEL 7:14

Idi Ieh nengalap lalud, ubur, idi rayeh raca', pad lemulun ratnan anid-anid bawang, pupu, idi luk ratnan manid-manid buri' miak maya' Neneh. LaludNeh meruked, idi imetNeh na kekiped.

DANIEL 7:27

Lalud idi rayeh ratnan amung-amung imet luk bang tana' ini miak barén kuan pupu Allah luk Meluun Rayeh. Laluddeh luk ratnan raca' na kekipedneh idi amung lun luk ngimet bang tana' ini miak ngakem kuandeh idi maya' baladeh.”

SURAT LUK BIRE PAULUS KUAN LUN RUM 11:33

Kudeng apeh kirayehneh, ieh ineh do' idi ileh idi luk kali' Allah! Idéké miak ngelio luk uenNeh mutut. Idéké luk kali' luk ruenNeh?

BADA' RATNAN UKUM 4:34

Inanké allah baken luk mekuu' ngiding kuan bururneh sebuleng aceh pupu rat arang pupu baken, mepad kudeng luk pangeh inau' Tuhan Allah muyuh kareb muyuh déi' Masir? Pa kiung muyuh Ieh nengegala' lalud idi tuehNeh, pad Ieh nengacing kaca idi bunu'. Ieh nenganau' tanu' idi kekamen luk nan mawa. Idi teh Ieh nengacing luk nan matot.

1 TIMOTIUS 1:17

Idi amung-amung dita' idi rayeh kuan Raca' luk meruked, luk na miak maté, idi luk na miak siren, ieh ineh Allaah luk Sebuleng, ruked-ruked peh! Amin.

IBERANI 1:8

Iamo' ratnan AnakNeh Allah nepebala, “KerusiMu O Allah, inan ruked-ruked, idi rukud luk matu, ieh ineh rukud ImetMu.

IBERANI 2:4

Idi teh Allah nengedengan luk nekali'deh ineh dengan tanu'-tanu', idi kekamen luk nan mawa idi anid-anid kekamen luk melalud. Idi Ieh nemaré baré Roh Meligan, maya' pianNeh sebuleng.

1 PETRUS 4:11

Kudeng seburur mada', do' ieh mada' bala Allah; kudeng seburur ngasa' nelun baken, do' ieh ngasa' dengan tueh luk biré Allah, pad Allah miak uen ngerayeh bang luk amung-amung ngaceku ratnan Yésus Keristus. Idi rayeh kuanNeh, idi lalud macing ruked-ruked! Amin.

BALA LUK LINIO 11:15

Idi melaikat luk ketudu' ineh nengiup serupitneh, idi inan tuda'-tuda' arod déi' surga luk pebala, “Imet tana' ini mangun ku Imet Tuhan tau, idi Imet KeristusNeh, idi Ieh miak ngimet macing ruked-ruked peh.”