DANIEL 4:2 - BALA LUK DO'

² Surat ini mada' nemuyuh ratnan kekamen luk melalud idi luk inan mawa luk linio Allah luk Meluun Rayeh kuanku.

DANIEL 4:2 Iomraidhean Croise

AYUB 7:14

Iamo' bang nupi Iko ngatot negku. Iko maré luk siren idi nupi luk ngagap,

NANI UBUR 51:14

Muit negku ratnan até, O Allah, idi ngulun negku, idi ui miak mada' siriMu.

NANI UBUR 65:9

Iko maré udah idi ngegala' éi'Mu kuan tana'; Iko nganau' neneh do' idi mebaleng; idi abpa' luk biréMu na miak mekeket; pad tana' miak ngeruat uli'neh. Ini luk inau'Mu:

NANI UBUR 66:16

Amé' idi ninger, amung-amung luk ngedita' Allah, idi ui miak mada' nemuyuh ratnan luk inau'Neh kuanku.

NANI UBUR 71:18

Nekini ui mengered idi abpukku mebuda', aleg Iko necan negku, O Allah! Do' Iko idi denganku kareb ui mada' lalud idi tuehMu kuan amung inul luk miak macing.

DANIEL 2:1

Bang lak luk kedueh kareb imet Nebukadnesar idi ieh nenginupi. Idi ieh megagau ngerawé nupineh pad ieh na rudap.

DANIEL 3:26

Nebukadnesar iné matun tanga' tetel apui ineh idi nengitang, kebalaneh, “Sadrak! Misak! Abednego! Demulun Allah luk Meluun Rayeh! Remuat meteluh!” Idi diteluh petacu neremuat.

DANIEL 4:17

Ini luk pinutut melaikat-melaikat luk megéi' matar. Do' ngegala' kuan lemulun luk aput-aput tana' ratnan Allah luk Meluun Rayeh luk melalud ratnan amung-amung imet lemulun luk bang tana' ini. Ieh miak ngikit idé-idé luk pianNeh mangun ku raca' — sagan pana' ieh lemulun luk meluun isuut.’

DANIEL 4:24

“O raca', ini ilung nupimu. Kebala Allah luk Meluun Rayeh: Ini luk miak mangun kuanmu.

DANIEL 4:25

Iko miak uen ngusu rat arang lemulun, idi iko miak tudo dengan pung luk meliput. Idi iko miak kuman uduh mepad kudeng sapi', idi rudap déi' liang, idi ipup miak mebpeh luunmu kinio tudu' lak. Pangeh ineh iko miak kali' Allah luk Meluun rayeh luk kuan amung imet lemulun bang tana' ini, idi Ieh miak ngikit idé-idé luk pianNeh mangun ku raca'.

DANIEL 4:34

“Idi abud tudu' lak ineh, Ui ini Nebukadnesar netengook nier déi' langit, idi petacu terawéku nisu'. Idi ui nengubur Allah luk Meluun Rayeh idi nengubur Neneh idi nengerayeh Neneh luk mulun macing ruked-ruked. “Ieh miak ngimet macing ruked-ruked.

DANIEL 5:18

“Allah luk Meluun Rayeh nengeletep tamanmu Nebukadnesar mangun ku raca' luk rayeh. Idi Ieh nengedita' neneh idi nemaré ubur kuanneh.

DANIEL 6:27

Ieh ngulun idi muit; Ieh nganau' kekamen luk melalud, idi tanu' luk inan mawa, do' bang Surga idi bang tana' ini pana'. Ieh nengulun ni Daniel ratnan lalud balang.”

DANIEL 7:25

Ieh miak ngedat Allah luk Meluun Rayeh idi ngedereh pupu Allah. Ieh nutun ngisu' ukum sembayangdeh idi acodeh luk rayeh. Idi pupu Allah pa liang imetneh kinio teluh lak setangal.

YAHYA 4:48

Kebala Yésus neneh, “Kudeng na muyuh nier tanu' idi kekamen luk nan mawa, na tu muyuh manu.”

YUSAK 7:19

Idi kebala Yusak ni Akan, “O anakku, ngerayeh Tuhan Allah lun Israil, do' iko ngamo sala'mu Neneh, idi maré kali' negku anun luk pangeh inau'mu ineh. Aleg iko ngapung ineh negku.”