Biblia Todo Logo
Bìoball air-loidhne

- Sanasan -




DANIEL 3:6 - BALA LUK DO'

6 Idé-idé luk na tekeradung sembayang miak petacu talan bang tetel apui.”

Faic an caibideil Dèan lethbhreac




DANIEL 3:6
20 Iomraidhean Croise  

Idi ieh nenier pa bawang Sodom idi Gemora dengan aput tana; raked ineh. Idi ieh nenier inan rabpun umak ratnan tana' ineh mepad kudeng rabpun ratnan tetel luk rayeh.


Aleg iko ngubur idi tekeradung sembayang ku ineh. Ngaceku Ui Ini Tuhan Allahmu luk temaruh, luk ngua' sala' amung lemulun macing ku anak idi inul luk keteluh idi luk keapat pana' ratnan amung lemulun luk megateh Negku.


Kayuh luk ketecan ineh ruenneh ku aceh akang inanneh tekeradung idi sembayang. Kesembayangneh, “Iko ineh allahku. Do' ngulun negku!”


Kareb lemulun luk tiban rat Yerusalim iné' Babil pian ngediman seburur lemulun idi ideh miak pebala, “Nima' Tuhan nganau' kuanmu mepad kudeng luk inau' raca' Babil kuan Sedekia idi Akab luk isebneh mulun!”


Idi kebala raca' nelun luk nawar ada', “Kudeng muyuh na miak mada' nupiku idi ilungneh, na miak na ui ngecuk nelun natek nemuyuh idi ngusag ruma' muyuh.


Idi idé-idé luk na tekeradung sembayang neneh miak talan bang tetel apui.


Ngaceku ineh, kareb meteluh ninger uni serupit, suling, giula', gita, idi amung-amung luk muni ineh, do' meteluh tekeradung sembayang inan akang ineh. Kudeng na, muyuh miak talan bang tetel apui. Inanké allah luk miak ngulun nemeteluh?”


Idi ideh nengabet nediteluh luk inayung ku kuyu' idi kuyu' boyor, idi teh sigar. Idi ideh nenala' nediteluh bang tetel apui.


Idi kareb ideh neninger amung-amung luk muni ineh, idi lemulun rat anid-anid bawang, pupu, idi teh luk manid-manid buri' netekeradung sembayang inan akang amas luk inau' Raca' Nebukadnesar.


Ieh pelaba rayeh pad lemulun ratnan anid-anid bawang, pupu, idi luk ratnan manid-manid buri' matot neneh idi megegker pa kiungneh. Idi kudeng ieh pian ngaté seburur lemulun, idi ieh nganau' luk kudeng ineh. Kudeng ieh pian ngulun seburur lemulun idi ieh nganau' luk kudeng ineh. Ieh nengubur idi nengigu' idé-idé luk pianneh.


Amung kai luk ngakem kuanmu, ieh ineh lun ngimet, pengulu, lun luk pa liang pengulu, idi lun mileh ngerawé, idi do' raca' maré aceh ukum luk meberat. Kinio teluh ngepulu' aco, do' mebpeng lemulun na miak mutuh anun-anun luk ratnan allah idi lemulun pana', iamo' miak mutuh ratnan raca' mo' sebuleng. Idé-idé luk ngelaba ukum ini miak talan bang lubang balang.


Idi ideh sikal nala' nedeh bang tetel apui. Su ineh lemulun tangi'-tangi' idi pekatep lipen.


idi nala' nedeh bang tetel apui. Su ineh lemulun tangi'-tangi' idi pekatep lipen.”


Idi kebala Iblis Neneh, “Amung-amung imet ini barénku Namu, kudeng Iko tekeradung sembayang negku.”


Idi raca' ineh nengecuk seburur lun matar amé' ngalap uluh Yahya. Idi lemulun ineh iné' ngaleb uluh Yahya déi' bang tutup.


Rabpun apui luk ngedereh nedeh ineh miak umak amé' dita' ruked-ruked. Ideh na miak ugka' medereh tebaco kedangan, ieh ineh lemulun luk sembayang inan pung idi akangneh ineh, idi luk nengalap etu ngadanneh ineh.”


Gituen ineh nengukab tanga' lubang luk na miak teriin kidalemneh ineh, idi rabpun neremuat rat bang lubang ineh, mepad kudeng rabpun tetel luk rayeh, pad mateh aco idi arang gawa' pana' medacem ngaceku ratnan rabpun lubang ineh.


Lean sinn:

Sanasan


Sanasan