DANIEL 3:4 - BALA LUK DO'

⁴ Idi seburur lun luk nated bala raca' nengitang, kebalaneh, “O muyuh luk rat anid-anid bawang idi pupu, idi teh luk manid-manid buri'!

DANIEL 3:4 Iomraidhean Croise

ESTER 8:9

Ini mangun dueh ngepulu' teluh aco, bulan teluh, ieh ineh bulan Siban. Mordekai nenawar nelun luk ngayud kuan raca', idi teh ieh nengecuk nedeh ngayud surat kuan lun Yahudi, pengulu, lun luk ngimet, idi lun rayeh bang 127 babpat rat India macing Sudan. Surat-surat ini inayud bang buri' anid babpat ineh, idi kuan lun Yahudi bang buri'deh sebuleng.

YESAYA 40:9

O Yerusalim, amé' luun pegkung luk medita', idi mada' bala luk do'! O Sion do' iko ngitang, idi mada' bala luk do'! Aleg matot pebala. Mada' amung bawang Yahuda ratnan acing Allahdeh!

YESAYA 58:1

Kebala Tuhan, “Ngitang dengan abud tuehmu! Ngegala' amung sala' pupuKu Israil!

DANIEL 3:10

Iko pangeh nengecuk amung-amung lemulun tekeradung sembayang inan akang amas kareb ideh ninger amung-amung luk muni ineh.

DANIEL 3:3

Amung lun rayeh luk nepamung ngerayeh aco ineh netuped pa atun akang ineh.

DANIEL 3:7

Idi kareb ideh neninger amung-amung luk muni ineh, idi lemulun rat anid-anid bawang, pupu, idi teh luk manid-manid buri' netekeradung sembayang inan akang amas luk inau' Raca' Nebukadnesar.

DANIEL 4:1

Raca' Nebukadnesar nemaré surat ini kuan lemulun bang anid-anid bawang, idi ratnan manid-manid pupu, idi buri' bang tana' ini: “Tabi'!

DANIEL 4:14

Idi ieh nengitang, kebalaneh, ‘Do' nebpeng kayuh ineh, nutu' angatneh, idi nala' donneh idi bua'neh. Ngusu pung rat su ineh idi suit luk nan angatneh.

DANIEL 6:25

Idi Raca' Darius nengayud aceh surat kuan amung-amung lemulun ratnan anid-anid bawang, pupu, idi luk ratnan manid-manid buri' bang tana' ini. Kebalaneh: “Tabi'!

HOSIA 5:11

Israil inan susa'. Tana'neh sebuleng pangeh inaro ngaceku ieh nemutuh pedengan ratnan akang luk na miak ngedengan neneh.

MIKA 6:16

Muyuh pangeh nemaya' Kekamen Raca' Omri luk dat, idi kekamen anakneh Raca' Akab. Macing nekini muyuh nemaya' terawé didueh, pad Ui pian ngusag nemuyuh, pelé amung pupu muyuh uen ngedat. Amung-amung lemulun iapeh-iapeh pana' miak ngedat nemuyuh.”

BALA LUK LINIO 5:9

Idi ideh menani aceh nani luk mebaruh, unineh, “Iko mayu miak ngalap surat ineh, idi ngelesad etuneh. Ngaceku Iko pangeh kirat, idi dengan dara'Mu Iko nenguli' lemulun kuan Allah ratnan anid-anid babpat, buri', inul, idi pupu.