DANIEL 3:12 - BALA LUK DO'

¹² Inan tuda'-tuda' burur lun Yahudi luk icukmu ngimet bawang Babil — ieh ineh Sadrak, Misak, idi Abednego. Ideh ngelaba bala raca'. Na ideh sembayang inan akangmu, idi na ideh tekeradung pa kiung akangmu ineh.”

DANIEL 3:12 Iomraidhean Croise

ESTER 3:8

Idi kebala Haman ni raca', “Inan aceh pupu luk pitad aput imetmu, bang anid-anid babpat. Ideh maya' adat luk baken ratnan adat lun baken. Meluun teh ideh na maya' ukum imet ini. Ngaceku ineh na petulu iko nima' nedeh.

BALE' 27:4

Useh ineh dat kuel idi ngusag, iamo' temaruh luk pelaba dat.

LUN LUK MADA' 4:4

Idi teh ui kali' punneh lemulun mekél ngakem: ieh ineh pad ideh ngalap meluun ula' binaweh ratnan lun baken. Iamo' na ulekneh. Ieh ineh mepad kudeng ngerada' bui mo'.

DANIEL 1:7

Lun rayeh lun duken raca' nemaré nedeh ngadan baruh, ieh ineh Beltesasar, Sadrak, Misak, idi Abednego.

DANIEL 2:48

Idi ieh nemaré kuan Daniel aceh kekamen luk rayeh. Idi teh ieh nemaré neneh tuda'-tuda' baré luk pelaba do'. Idi ieh nengecuk ni Daniel ngimet bawang Babil, idi ieh nenganau' neneh mangun ku lun rayeh amung-amung lun mileh luk déi' Babil ineh.

DANIEL 2:49

Idi maya' putuh Daniel, Raca' Nebukadnesar nengeletep Sadrak, Misak, idi Abednego ngimet amung kekamen déi' bawang Babil. Idi Daniel sinima' tudo déi' ruma' raca'.

DANIEL 3:11

Idi idé-idé luk na tekeradung sembayang neneh miak talan bang tetel apui.

DANIEL 3:16

Idi Sadrak, Misak, idi Abednego nengor bala raca', kebala diteluh, “O raca', na ulekneh kai ngor balamu.

DANIEL 3:29

“Idi nekini ui maré aceh ukum: Kudeng idé-idé ratnan anid-anid bawang, pupu, idi luk ratnan manid-manid buri' ngedat Allah Sadrak, Misak, idi Abednego, ieh miak uen natek, idi ruma'neh miak uen ngusag. Na luk idi allah baken luk miak ngulun kudeng ini.”

DANIEL 3:30

Idi raca' nemaré kuan Sadrak, Misak, idi Abednego kekamen luk meluun rayeh bang bawang Babil.

DANIEL 6:13

Idi kebaladeh ni raca', “Seburur lun luk tiban rat Yahuda, ieh ineh Daniel, na ngerayeh raca', idi ieh ngelaba ukummu. Ieh sembayang teluh kua' seaco.”

DANIEL 6:14

Kareb raca' nekali' bala ini, idi ieh mesusa' niat pad ieh nenakap dalan sikal muit ni Daniel. Idi ieh nemutuh ngerawé macing aco macep.

KEKAMEN RASUL-RASUL 17:7

idi Yason pangeh nengasa' nedeh. Amungdeh ineh ngelaba ukum raca' Rum, kerburi'deh, inan teh raca' luk baken, ngadanNeh Yésus.”

KEKAMEN RASUL-RASUL 5:28

“Kai nemebpeng nemuyuh na mada' dengan ngadan ini, iamo' muyuh pangeh manu' bawang Yerusalim ku bada' muyuh, idi muyuh sikal maré nekai mabeh dara' lemulun ini.”