DANIEL 3:1 - BALA LUK DO'

¹ Raca' Nebukadnesar nengecuk nganau' aceh akang amas, kidita'neh iwa' ngepulu' kaki idi pipangneh iwa' kaki. Idi ieh nengerareng neneh luun Raked Dura bang bawang Babil.

DANIEL 3:1 Iomraidhean Croise

RACA'-RACA' LUK PUN-PUN 12:28

Pangeh ieh nengerawé ratnan ineh, idi ieh nenganau' dueh anak sapi' deléi ratnan amas. Idi kebalaneh inan anak itinneh, “Mesusa' kuan muyuh amé' déi' Yerusalim. O lun Israil, siruh, ini allah muyuh luk pangeh nenated nemuyuh remuat rat bang bawang Masir!”

ESTER 1:1

Idi Ahasuiras ineh raca'. Idi kerusi raca' Parsi ineh déi Susa. Ieh ngimet 127 bawang rat India macing Sudan.

NANI UBUR 135:15

Akang lun luk na manu inau' lemulun ratnan pirak idi amas.

PURA' 20:23

Ngaceku ineh aleg muyuh nganau' akang ratnan pirak idi amas nan muyuh sembayang.

PURA' 32:31

Idi Musa iné' matun Tuhan idi nepebala, “Pupu ini pangeh nenganau' aceh sala' luk rayeh, ngaceku ideh pangeh nenganau' akang ratnan amas pad sembayang neneh.

YESAYA 2:20

Kareb ineh ideh nala' akang luk inau'deh ratnan amas idi pirak, idi necan nedeh kuan labo idi pawat.

YESAYA 30:22

Muyuh nala' akang muyuh luk kikep ku pirak idi amas, mepad kudeng nala' arap, kebala muyuh, “Buro muyuh!”

YESAYA 46:6

Lemulun ngukab kapildeh idi ngeruat amas; ideh nimang pirak idi nabpar lun tukang amas, pad ieh nganau' akang luk inandeh sembayang!

YEREMIA 10:9

Akangdeh kikep ku pirak rat Tarsis idi amas rat bawang Upas, ieh ineh kekamen lun luk mileh; amungdeh inayung ku kibung luk mebata' idi luk tibaruh lun luk mileh ngebaruh.

YEREMIA 16:20

Miakké seburur lemulun nganau' allahneh sebuleng? Na tu-tu miak! Baken ideh allah luk matu.”

DANIEL 2:48

Idi ieh nemaré kuan Daniel aceh kekamen luk rayeh. Idi teh ieh nemaré neneh tuda'-tuda' baré luk pelaba do'. Idi ieh nengecuk ni Daniel ngimet bawang Babil, idi ieh nenganau' neneh mangun ku lun rayeh amung-amung lun mileh luk déi' Babil ineh.

DANIEL 2:49

Idi maya' putuh Daniel, Raca' Nebukadnesar nengeletep Sadrak, Misak, idi Abednego ngimet amung kekamen déi' bawang Babil. Idi Daniel sinima' tudo déi' ruma' raca'.

DANIEL 3:14

Idi kebalaneh nediteluh, “Sadrak, Misak, idi Abednego, matuké meteluh ara' sembayang inan allahku idi na tekeradung pa kiung akang luk inau'ku ineh?

DANIEL 3:30

Idi raca' nemaré kuan Sadrak, Misak, idi Abednego kekamen luk meluun rayeh bang bawang Babil.

DANIEL 5:23

Iko sikal metueh ratnan Tuhan Surga pad iko nenguit sangkir idi bigan luk tiban rat bang Ruma' Allah. Iko, lun rayehmu, awanmu idi apidmu nengirup abpa' anggur luk bang sangkir idi bigan ineh. Idi muyuh nengubur akang luk inau' ratnan amas, pirak, tekaling, belawan, kayuh, idi batu, ieh ineh allah luk na miak nier, ninger, idi kali' anun-anun. Iamo' na muyuh nengubur Allah luk ngimet ulun muyuh idi amung-amung luk ruen muyuh.

DANIEL 5:4

Ideh nengirup abpa' anggur idi nengubur akang luk inau' ratnan amas, pirak, tekaling, belawan, kayuh, idi batu teh.

HOSIA 2:8

Na ieh nengamo' Ui ini luk nemaré padé, abpa' anggur, idi umau saitun neneh. Idi teh Ui nemaré mula' pirak idi amas neneh, iamo' ieh nemaré ineh kuan akang Baal.

HOSIA 8:4

“PupuKu nemili' tuda'-tuda' raca' iamo' baken maya' pianKu. Ideh nemili' tuda'-tuda' lun luk ngimet, iamo' baken maya' pianKu. Ideh nenganau' akang ratnan pirak idi amas, pad uen ngusag.

HABAKUK 2:19

Muyuh miak kumin. Muyuh pebala inan kayuh, “Kulat iko!” idi inan batu luk ungeng, “Tumui, iko!” Miakké akang ineh mada' luk anun-anun? Sagan tu pana' ieh kikep ku pirak idi amas, na luk idi ulun bang neneh.

KEKAMEN RASUL-RASUL 17:29

Idi ngaceku tau ini anak-anak Allah, na do' tau ngerawé Allah mepad kudeng amas, pirak, batu luk inarit dengan ileh idi terawé lemulun.

KEKAMEN RASUL-RASUL 19:26

Muyuh sebuleng nier idi ninger ratnan luk ruen Paulus ineh. Kebalaneh akang luk inau' lemulun baken allah luk matu. Idi ieh pangeh nengubuk nelun mula', do' tunge' Epesus, idi lélé aput tana' Asia.

BADA' RATNAN UKUM 7:25

Idi do' muyuh ngerupung amung akangdeh. Aleg muyuh melili ku amas idi pirak luk nedeh idi pian ngalap ineh kuan burur muyuh sebuleng, pad muyuh na mepabpung ku ineh. Ngaceku ieh ineh binaweh inan Tuhan Allah muyuh megateh.

BALA LUK LINIO 9:20

Lun baken luk nateh pinaté ku dereh ineh, na nuren ratnan kekamendeh, iamo' ideh megéi sembayang inan ada' idi akang luk ratnan amas, pirak, tekaling, batu, idi kayuh, luk na miak nier idi ninger, idi luk na miak nalan pana'.