DANIEL 2:6 - BALA LUK DO'

⁶ Iamo' kudeng muyuh miak mada' nupiku idi ilungneh, ui miak maré kuan muyuh tuda'-tuda' baré idi ngadan luk rayeh. Ngaceku ineh do' mada' nupiku negku idi ilungneh.”

DANIEL 2:6 Iomraidhean Croise

DANIEL 2:48

Idi ieh nemaré kuan Daniel aceh kekamen luk rayeh. Idi teh ieh nemaré neneh tuda'-tuda' baré luk pelaba do'. Idi ieh nengecuk ni Daniel ngimet bawang Babil, idi ieh nenganau' neneh mangun ku lun rayeh amung-amung lun mileh luk déi' Babil ineh.

DANIEL 5:29

Idi petacu Belsasar nengecuk nelun dukenneh ngayung ni Daniel ku kuyu' boyor luk sia' merirem idi ratai amas inau' ku banéneh, idi Belsasar nemaré neneh ngadan luk keteluh bang imetneh.

DANIEL 5:7

Idi ieh nengitang mutuh nelun nguit lun luk mangun, lun luk nawar ada', idi lun luk mileh kali' gituen. Idi kareb ideh nacing, kebala raca' nedeh, “Idé-idé luk mileh maca' ayud ini idi mada' ilungneh negku, idi ieh uen ngayung ku kuyu' boyor luk sia' merirem, idi ratai amas miak ruen ku banéneh, idi ieh miak ngalap ngadan luk keteluh bang imet bawang ini.”

IAP 22:17

Ngaceku ui pian ngubur namu, idi anun-anun pana' luk dukenmu negku, ui miak nganau'. Amé' iko idi ngediman pupu ini kuanku.’ ”

IAP 22:37

Idi kebala Balak ni Bilam, “Ngudehké iko na iné' maya' nedeh luk icukku nawar namu atun di? Naké mebayarku tabparmu?”

IAP 22:7

Idi amung lun rayeh Moab idi lun rayeh Midian pana' iné'. Idi usin luk ku tabpar lun luk ngelimu' idi bang paladdeh. Idi ideh nacing ni Bilam, idi nemada' amung bala Balak kuanneh.

IAP 24:11

Buro iko amé' su luk iratmu nekini. Setuneh ui ngerawé maré tabpar namu. Iamo' Tuhan na nima' namu ngalap tabpar ineh.”