DANIEL 2:2 - BALA LUK DO'

² Idi ieh neneteng nelun luk mileh nier, lun luk mangun, lun luk melalud ratnan gimet, idi lun luk nawar ada', pad ideh ngelio nupi ineh kuanneh. Kareb ideh nacing idi tuped pa kiung raca',

DANIEL 2:2 Iomraidhean Croise

PUDUT 41:8

Kareb pekak uka-uka niat raca' ineh megagau. Idi ieh nengecuk nawar amung-amung lun luk mangun idi lun luk mileh bang bawang Masir. Idi ieh nemada' nedeh ratnan nupineh. Iamo' seburur pana' nateh luk kali' ilung nupi ineh.

ESTER 1:13

Idi raca' pekalai ngitun nelun mileh ratnan ukum idi adat bang bawang. Idi ieh nenawar nelun luk mada' neneh ratnan luk miak ruen.

PURA' 7:11

Pangeh ineh raca' nenawar nelun luk mileh idi lun luk mangun. Idi dengan bangundeh ideh pana' nenganau' kudeng ineh teh.

YESAYA 19:3

Ui miak ngagka' terawé lun Masir idi teh Ui ngelaya' kuu'deh. Ideh miak mutuh pedengan ratnan akangdeh, idi amé' matun nelun luk mangun, idi ngitun roh lun naté pana'.

YESAYA 8:19

Lemulun miak mutuh namu ngitun bala rat nelun luk mangun idi lemulun luk inan ileh Sétan luk dureng-dureng. Kebaladeh, “Petulu lemulun ngitun bala ratnan ada' idi ngitun nelun luk naté pad ngedengan lemulun luk mulun.”

DANIEL 1:20

Kareb raca' nengitun nedeh ratnan anun-anun luk medalem idi luk mikat uen mutut, ieh kali' nedeh pulu' kua' ileh ratnan lun luk mileh mangun idi luk mileh nier bang aput imetneh.

DANIEL 1:4

ieh ineh tuda'-tuda' luk metaga idi luk na anun-anun luk dat luun bururdeh, luk mileh, idi luk petap sekola', luk saget mileh, pad ideh miak ngakem bang ruma' raca'. Idi Aspenas miak mada' nedeh maca' idi ngayud buri lun Babil.

DANIEL 2:10

Idi kebala lun luk nawar ada' ineh, “Seburur pana' bang aput-aput tana' ini nateh luk miak mada' luk initun raca'. Seburur raca' pana' luk meluun rayeh idi melalud nateh luk nengitun luk kudeng ineh inan lun luk mileh nier, lun luk melalud ratnan gimet, idi lun luk nawar ada'.

DANIEL 2:27

Idi kebala Daniel, “O raca', seburur lun luk nawar ada', seburur lun luk mangun, seburur lun luk mileh nier, idi seburur lun luk mileh kali' gituen nateh luk miak mada' luk kudeng ineh.

DANIEL 3:8

Idi tuda'-tuda' burur lun Babil pian ngadu' nelun Yahudi.

DANIEL 4:3

“Kudeng apeh rayeh kekamen Allah luk inan mawa luk linio kuan tau! Pelaba lalud amung-amung tanu' luk inau'Neh! Allah ineh raca' luk ngimet macing ruked-ruked.

DANIEL 4:6

Idi ui nengecuk nelun nguit amung-amung lun mileh luk déi' Babil, pad ideh miak mada' ilung nupi ineh negku.

DANIEL 5:7

Idi ieh nengitang mutuh nelun nguit lun luk mangun, lun luk nawar ada', idi lun luk mileh kali' gituen. Idi kareb ideh nacing, kebala raca' nedeh, “Idé-idé luk mileh maca' ayud ini idi mada' ilungneh negku, idi ieh uen ngayung ku kuyu' boyor luk sia' merirem, idi ratai amas miak ruen ku banéneh, idi ieh miak ngalap ngadan luk keteluh bang imet bawang ini.”

SEMUIL LUK PUN-PUN 6:2

Idi lun rayeh-rayeh nenawar amung imam, idi lun luk mileh mangun, kebaladeh, “Kudeng apehké kai ku Pati' Pejani' Tuhan ineh. Anunké luk barén kai maya' ineh lemubed amé' su iratneh.”