DANIEL 12:3 - BALA LUK DO'

³ Lun luk mileh miak merasat mepad kudeng acang langit. Idi lun nemada' nelun baken nganau' luk matu, miak merasat mepad kudeng gituen macing ruked-ruked.

DANIEL 12:3 Iomraidhean Croise

PURA' 34:35

Kareb lun Israil nier kiung Musa, kiungneh merasat, idi Musa ngebpu kiungneh pad ieh semuet idi pegayam inan Tuhan.

BALE' 11:30

Bua' lemulun luk matu mangun ku lawa ulun, iamo' lemulun luk dat maté kareb nateh tarekneh macing.

BALE' 3:35

Lemulun luk mileh miak buren, iamo' lemulun luk mebacé iuk-iuk uen ngigu'.

BALE' 4:18

Dalan lemulun luk matu mepad kudeng asat aco, luk iuk-iuk merasat macing acang aco.

LUN LUK MADA' 12:9

Iamo' ngaceku Lun luk Mada' ineh mileh, ieh na nugka' mada' luk nekali'neh. Ieh nesibada' ratnan balé' idi nenutun nedeh ku matu.

YESAYA 53:11

Pangeh derehNeh, Ieh ngalap awang teh pad Ieh kali' derehNeh ineh inan ulek. Ieh ineh DemulunKu luk matu, Ieh kumin kuan lun mula', pad ideh mangun ku pupuKu luk matu.

YEREMIA 23:22

Kudeng ideh pangeh nekali' terawéKu luk inalum, idi ideh miak mada' balaKu kuan pupuKu, idi ngecuk nedeh uren ratnan ulundeh idi kekamendeh luk dat.

DANIEL 11:33

Lun luk mileh miak mada' mula' lun baken. Iamo' na mio sebuang miak pitayen bang bunu' idi apui. Idi binaweh sebuang miak pinawen lun luk mano, idi ideh pana' tebanen.

DANIEL 11:35

Sebuang luk mileh miak pitayen, pad ngeligan pupu ineh — pad macing kekipedneh, ieh ineh kareb luk pangeh litep Allah.

DANIEL 12:10

Mula' lemulun miak uen ngeligan. Lemulun luk dat na miak kali' ilungneh, iamo' ideh miak nganau' luk dat mo'. Lemulun luk mileh miak kali' ilungneh.

MATIUS 13:43

Kareb ineh amung-amung lemulun luk matu miak merasat kudeng mateh aco bang Imet Tamandeh. Lemulun luk inan lalid, do' ieh ninger!

MATIUS 19:28

Kebala Yésus nedeh, “Ui pebala nemuyuh: idi bang Imet luk mebaruh, kareb Anak-Lemulun tudo luun kerusi rayehNeh, muyuh pana' luk pangeh nemaya' Negku miak tudo luun pulu' dueh kerusi, idi ngukum pulu' dueh babpat pupu lun Israil.

MATIUS 24:45

“Idéké demulun luk lutep idi mileh, luk icuk tuanneh matar uang ruma'neh, pad maré luk kenendeh bang kareb luk petulu?

YAHYA 4:36

Idi lemulun luk ngeranih ineh ngalap tabpar, idi ngamung bua' luk kuan ulun luk meruked, pad lemulun luk nibu idi lemulun luk ngeranih, pad-pad mawang niat.

YAHYA 5:35

Yahya ineh mepad kudeng aceh lapung luk mulun idi merasat; iamo' muyuh ini sikal mawang niat segageh mo' kinioneh bang acangneh ineh.

KEKAMEN RASUL-RASUL 13:1

Bang sidang déi' Antiokia inan tuda'-tuda' nabi idi guru, ieh ineh Barnabas, Simion luk titen Mitem, Lukius lun Kiréni, Menahem luk isa' rat isuut pad-pad dengan Raca' Herodés Antipas, idi Saul.

1 KORINTUS 3:10

Idi maya' baré Allah kuanku, ui nenganau' kekamen lun luk mileh mudut ruma' ineh. Ui nenaped dirineh, idi lun baken mudut luun ineh. Iamo' nima' anid-anid burur ngerawé kudeng apeh luk pidutenneh ineh.

EPESUS 4:11

Ieh luk maré baré-baré kuan lemulun. Ieh nengiding sebuang lemulun mangun ku rasul-rasul, sebuang mangun ku nabi-nabi, sebuang mangun ku lun mada' Bala luk Do', idi sebuang mangun ku gembala idi guru.

IBERANI 5:12

Setuneh petulu muyuh miak mangun ku guru ngaceku muyuh mio maya', iamo' na miak na muyuh badén teh ratnan bada' Allah luk pun-pun. Muyuh ineh lemulun luk na miak kuman akan luk metueh, iamo' muyuh lakat niti'.

2 PETRUS 3:15

Do' muyuh ngerawé kadang niat Tuhan tau ineh ngacing inan ulun, kudeng ineh teh Paulus, kinanak luk inan tau mawa ineh, pangeh nengayud kuan muyuh maya' ileh luk biré Allah kuanneh.

BALA LUK LINIO 1:20

Idi luk inalum ratnan tudu' gituen luk pangeh siniermu bang ticu'Ku pa tinueh, idi tudu' kukud dawan luk ratnan amas ineh: idi tudu' gituen ini, ieh ineh melaikat kuan sidang luk tudu' ineh, idi tudu' kukud dawan ineh, ieh ineh tudu' sidang ineh teh.

LUN LUK NGUYUT 5:31

“Dengan luk kudeng ineh nima' amung bunu'Mu matée, O Tuhan. Iamo' do' lun rurumMu merasat mepad kudeng asat aco.” Idi bawang ineh na inan bunu' apat ngepulu' lak kinioneh.