DANIEL 12:1 - BALA LUK DO'

¹ “Kareb ineh, Mikail, melaikat luk rayeh ineh luk matar pupumu miak silagan. Idi kareb ineh inan mula' susa', luk meluun dat ratnan luk nekali' pupu ineh rat pun-pun. Kareb ineh amung pupumu, luk kuan ngadan inayud bang Surat Allah miak uen ngulun.

DANIEL 12:1 Iomraidhean Croise

NANI UBUR 56:8

Iko kali' ratnan susa'ku; idi nengiap abpa' matehku. Naké amung ini inayud bang suratMu?

NANI UBUR 69:28

Idi do' ngadandeh uen ngiu' rat bang surat ulun; do' ideh na semuet dengan ngadan pupuMu.

YESAYA 4:3

Amung-amung pupu luk ketecan déi' Yerusalim, luk pinili' Allah miak mulun, tetanen meligan.

YESAYA 9:7

Lalud luk Neneh iuk-iuk temubu' idi imetNeh megéi' do' udeng. Ieh miak ngelibal imet Raca' Daud. Luk matu idi mesiri mangun ku lawa laludNeh, rat kareb ini macing kekipedneh. Tuhan luk Melalud miak ngeletep amung ineh.

YEREMIA 30:10

“O pupuKu, aleg muyuh matot. O muyuh lun Israil, aleg muyuh merapang. Ui muit nemuyuh ratnan bawang luk mado, ratnan tana' Babil luk inan muyuh tiban. Muyuh miak muli' dengan mawang niat, pad muyuh do' udeng, idi seburur pana' nateh luk miak ngatot nemuyuh.

YEREMIA 30:7

Aceh kareb luk pelaba dereh miak macing; luk meluun dat ratnan amung kareb luk baken — amung inul Yakub miak mesusa' niat; iamo' ideh miak mulun.”

YEHISKIEL 13:9

Ui temina' ngukum nemuyuh lun nabi luk siayu ratnan luk sinier idi luk mebalih ratnan luk miak mangun muci. Kareb pupuKu mepamung, muyuh na idi arangdeh; ngadan muyuh na miak uen ngayud dengan ngadan lun Israil luk baken. Na tu-tu muyuh miak muli' ame' bawang muyuh, pad muyuh miak kali' Ui ini Tuhan.

YEHISKIEL 34:24

Ui ini Tuhan, mangun ku Allahdeh, idi demulunKu Daud mangun ku Raca'deh. Ui pangeh nepebala.

YEHISKIEL 5:9

Ui miak ngacing kuan Yerusalim ukum luk meluun rayeh ratnan luk atun idi ratnan luk macing muci, ngaceku amung kekamenmu luk inanKu megateh.

DANIEL 10:13

Iamo' melaikat luk dat luk matar imet Parsi sikal metueh rat Negku kinio dueh ngepulu' aceh aco. Pangeh ineh Mikail, seburur rat arang melaikat luk rayeh, iné' ngedengan Negku, ngaceku Ui tican buleng-buleng déi' bang imet Parsi.

DANIEL 11:45

Idi ieh miak mudut lepo raca' luk rayeh arang abpa' rayeh dengan pegkung su luk inan Ruma' Allah. Iamo' ieh miak maté, idi seburur pana' nateh luk miak ngedengan neneh.

DANIEL 7:10

idi apui neremuat ratnan kerusi ineh mepad kudeng abpa' luk manud. Idi ribu-ribu lemulun ngedengan Neneh, idi teh meluun ula' ratnan ineh netuped pa kiungNeh. Idi ideh nengukab amung surat idi ideh nengimun besara'.

DANIEL 9:12

Iko nengacing kuan kai idi kuan lun rayeh kai amung-amung luk bilaMu. Ukum luk icingMu kuan bawang Yerusalim meluun berat ratnan ukum amung bawang baken bang tana' ini.

YOEL 2:2

Aco ineh medacem idi inan mesusa' niat, idi medacem ku laput. Kato luk pelaba ula' macing, mepad kudeng acang luun pegkung kareb pekak. Na luk mepad kudeng ini atun, idi muci pana' nateh luk miak mangun kudeng ineh.

MALAKI 3:16

Idi lemulun luk matot inan Tuhan pebada' seburur dengan seburur, idi Tuhan neninger baladeh. Pa kiungNeh inan surat luk inan ngayud kekamen lemulun luk matot inan Tuhan idi luk ngerayeh Neneh.

MATIUS 24:21

Ngaceku kareb ineh macing aceh dereh luk rayeh tu-tu, ieh ineh mepad dereh luk rayeh tu-tu, ieh ineh mepad kudeng luk nateh nangun rat pun-pun tana' pad macing nekini, idi na tu-tu miak mangun muci.

MARKUS 13:19

Ngaceku bang aco sineh miak mangun dereh, mepad kudeng luk na nangun rat pun-pun tana' pinudut Allah pad macing nekini, idi na tu-tu miak mangun muci.

LUKAS 10:20

Iamo' aleg muyuh mawang niat ngaceku amung-amung ada' maya' ukum muyuh, iamo' do' muyuh mawang niat ngaceku ngadan muyuh pangeh inayud déi' surga.”

SURAT LUK BIRE PAULUS KUAN LUN RUM 11:15

Ngaceku kareb ideh tila', tana' ini pedo' dengan Allah. Kudeng apehké kareb ideh lapen Allah? Kali' rungen inan ulun rat arang lun naté!

SURAT LUK BIRE PAULUS KUAN LUN RUM 11:26

Kudeng ineh lawéneh amung pupu Israil miak uen ngulun, maya' kudeng luk inayud, “Lun Ngulun ineh miak macing rat Sion. Ieh sikal ngado luk dat ratnan inul Yakub.

EPESUS 1:21

Keristus meluun dita' ratnan amung lalud, idi tueh, idi luk ngimet déi' surga. Ieh pa luun amung-amung lalud bang tana' ini, idi bang tana' luk miak macing muci pana'.

PILIPI 4:3

Meluun teh kuanmu pana', O lun denganku luk matu, ui mutuh namu ngedengan nedidueh luk decur ineh, luk pangeh pad-pad nerur denganku bang kekamen mada' Bala luk Do' pad-pad dengan Klemen teh, idi amung-amung lun denganku luk baken-baken teh, luk pangeh inayud ngadandeh bang surat ulun Allah.

YAHUDA 1:9

Iamo' Mikail, lun rayeh melaikat ineh pana' na nenganau' kudeng ineh. Kareb ieh nepekedaluh dengan Iblis, idi didueh nepesaad ratnan idé luk miak ngalap butung Musa, idi na Mikail mekuu' ngukum Iblis dengan nguyo neneh, iamo' keburi'neh, “Aganeh Tuhan mebpeng namu!”

BALA LUK LINIO 1:5

idi ratnan Yésus Keristus, Lun Nekali' luk lutep maya' jani' ineh, ieh ineh Anak luk atun luk tinui rat arang lun naté, idi luk mangun ku raca' pa luun amung-amung raca' bang tana' ini. Ieh mawa netau, idi dengan dara'Neh Ieh nemuit netau ratnan amung-amung sala'tau.

BALA LUK LINIO 12:7

Idi mangun aceh bunu' déi' surga, Mikail dengan amung-amung melaikatneh pebunu' dengan galau, idi galau dengan amung-amung bawehneh pana' nepebunu'.

BALA LUK LINIO 13:8

Amung-amung lemulun bang tana' ini miak sembayang neneh, ieh ineh luk ngadanneh na inayud rat pun-pun tana' ini pinudut, bang surat ulun Anak Dumba luk kirat ineh.

BALA LUK LINIO 17:14

Ideh miak pebunu' inan Anak Dumba ineh, iamo' Anak Dumba ineh miak ngelaya' nedeh, ngaceku Ieh Tuhan pa luun amung-amung tuan, idi Raca' pa luun amung-amung raca'; idi amung-amung lemulun luk idi pad-pad denganNeh ineh metueh, ieh ineh amung-amung lemulun luk pangeh tinawar idi luk pinili' idi luk lutep.”

BALA LUK LINIO 20:12

Idi ui nenier amung-amung lemulun luk naté, do' luk rayeh idi luk isuut pana', tuped pa atun kerusi ineh. Surat-surat pana' inukab; idi inan aceh surat luk baken inukab, ieh ineh surat ulun. Idi lun luk naté ineh inukum maya' kekamendeh luk inayud bang surat-surat ineh.

BALA LUK LINIO 20:15

Kudeng idé-idé luk na luk idi ngadanneh inayud bang surat ulun ineh, idi ieh pana' tila' bang takung apui ineh.

BALA LUK LINIO 3:5

Lemulun luk metueh miak uen ngayung ku ayung luk mebuda', idi na tu-tu Ui miak ngiu' ngadandeh rat bang surat ulun ineh. Ui miak ngamo ngadandeh pa kiung TamanKu idi pa kiung melaikat-melaikatNeh.

BALA LUK LINIO 7:14

Idi keburi'ku neneh, “Na kali'ku. Iko luk kali' ratnan ineh.” Idi kebalaneh negku, “Ini lemulun luk neremuat ratnan susa' luk rayeh ineh. Ideh pangeh nemupu' kuyu'deh idi nengebuda' nedeh ku dara' Anak Dumba ineh.