DANIEL 11:3 - BALA LUK DO'

³ “Idi seburur raca' luk mesangit miak macing. Ieh mangun ku raca' aceh imet luk pelaba rayeh, idi ieh nganau' anun-anun luk pianneh.

DANIEL 11:3 Iomraidhean Croise

DANIEL 11:16

Bunu' ineh miak nganau' luk pianneh dengan na sabeng. Ieh miak tuped luun Tana' luk Pijani' ineh idi ngalap lalud pa luunneh.

DANIEL 11:36

“Raca' Siria miak nganau' anun-anun luk pianneh. Ieh miak pebala dengan medita' niat, kebalaneh, ieh meluun melalud ratnan amung-amung akang idi meluun rayeh ratnan Allah luk Meluun Rayeh. Ieh nganau' kudeng ineh pad ieh kumin Allah. Allah miak nganau' amung-amung luk pianNeh.

DANIEL 4:35

Kudeng lemulun bang tana' ini uen maad dengan Allah, ideh na anun-anun. Amung melaikat luk déi' Surga idi lemulun bang tana' ini pa liang imetNeh. Seburur pana' na miak ngeluun luk pianNeh, idi ngitun Neneh ratnan luk ruenNeh.

DANIEL 5:19

Ieh pelaba rayeh pad lemulun ratnan anid-anid bawang, pupu, idi luk ratnan manid-manid buri' matot neneh idi megegker pa kiungneh. Idi kudeng ieh pian ngaté seburur lemulun, idi ieh nganau' luk kudeng ineh. Kudeng ieh pian ngulun seburur lemulun idi ieh nganau' luk kudeng ineh. Ieh nengubur idi nengigu' idé-idé luk pianneh.

DANIEL 7:6

Kareb ui nutong teh, idi teh ui nekali' aceh pung luk baken. Ayuneh mepad kudeng kuir. Idi luun ketedneh inan apat ilad, luk mepad kudeng ilad suit. Idi teh inan apat uluhneh! Idi ieh inan lalud ngimet.

DANIEL 8:21

Amék ineh imet Grika, idi unga luk rayeh luk arang matehneh, ieh ineh raca' Grika luk pun-pun.

EPESUS 1:11

Amung-amung miak ruen maya' pian idi terawé Allah. Idi Allah nemili' netau mangun ku pupuNeh bang Keristus, ngaceku pinianNeh sebuleng, maya' kudeng luk litepNeh rat pun-pun.

IBERANI 2:4

Idi teh Allah nengedengan luk nekali'deh ineh dengan tanu'-tanu', idi kekamen luk nan mawa idi anid-anid kekamen luk melalud. Idi Ieh nemaré baré Roh Meligan, maya' pianNeh sebuleng.

YAKUB 1:18

Idi maya' pianNeh sebuleng Ieh pangeh nemudut netau dengan balaNeh luk amtu, pad tau mangun ku bua'-bua' luk atun ratnan amung-amung luk pinudutNeh.