DANIEL 10:9 - BALA LUK DO'

⁹ Kareb ui neninger balaNeh, idi ui neluka' tekulub luun tana' idi na kali' anun-anun.

DANIEL 10:9 Iomraidhean Croise

PUDUT 15:12

Kareb macep aco, idi Abram nerudap, idi nacing aceh gagap idi tot luk rayeh neneh.

PUDUT 2:21

Idi Tuhan Allah nenganau' lemulun ineh pelaba rudap. Idi laba' ieh rudap Allah nengalap sebuleng tulang sigarangneh, idi Ieh nemapen su ineh ku uang teh.

AYUB 33:15

Allah pebala bang nupi idi bang luk siren kareb lemulun rudap medacem.

AYUB 4:13

Ieh mepad kudeng nupi luk ngesabeng rudapku.

NANI SELIMUN 5:2

Karebku rudap, lalidku kulat, idi ui neninger awaku nateg tanga'. Nima' negku semuet, O awaku, idi sukurku luk pelaba do'. Uluhku neba' ku ipup idi ku udan puré.

DANIEL 10:16

Idi denak-denak aceh luk kudeng ayu lemulun nengakem bibirku. Idi tangku nukab idi ui petacu nepebala. Kebalaku kuan luk tuped pa kiungku, “O Tuhan, luk sinierku ini ngelaya' negku, pad ui na ugka' megegker.

DANIEL 8:18

Uned ieh pegayam negku, idi ui nelepu. Ieh nengimet negku idi ieh nengiding negku,

HABAKUK 3:16

Ui ini Habakuk ninger amung ini idi megegker; bibirku pana' megegker ku totku. Bururku melaya', idi kukudku metebaceng. Ui miak nginulat karebneh macing, kareb Allah miak ngukum lemulun luk munu' nekai.

LUKAS 22:45

Idi kareb Ieh netukag ratnan sembayang, idi Ieh iné' inan anak-anak sekola'Neh, idi Ieh nenier nedeh rudap ngaceku susa' niatdeh.

LUKAS 9:32

Idi Pétrus idi lun denganneh uned rudap, iamo' kareb diteluh nekulat idi diteluh nenier rayeh Yésus idi dueh burur lemulun luk tuped iringNeh ineh.

BALA LUK LINIO 1:17

Kareb ui nenier Neneh, ui neluka' iring kukudNeh mepad kudeng lemulun luk naté. Idi Ieh nengerareng ticu'Neh pa tinueh luunku idi nepebala, “Aleg matot, Ui ini Luk Pun-pun idi Luk Kekiped.