DANIEL 10:1 - BALA LUK DO'

¹ ‘Bang lak luk keteluh kareb imet Kores raca' Parsi, aceh bala nacing kuan Daniel luk titen Beltesasar. Idi bala ineh matu, iamo' mikat kali' ilungneh. Idi bala ineh linio kuanneh bang aceh luk sinierneh.)

DANIEL 10:1 Iomraidhean Croise

PUDUT 41:32

Idi nupi ineh linio kuanmu macing dueh kua', ngaceku amung-amung ineh pangeh litep Allah, idi Allah teh miak ngacing ineh dengan mesaget.

INUL LUK KEDUEH 36:22

Iamo' lak luk pun bang imet Kores raca' bawang Parsi, pad bala Tuhan nacing luk pangeh bida' Yeremia, Tuhan nengegio niat Kores raca' bawang Parsi ineh, pad ieh nengecuk ngitang-ngitang bang aput imetneh. Idi ieh nemaré tuda'-tuda' balad surat, kebalaneh:

ESRA 3:7

Lun Israil nemaré usin kuan amung lun luk mileh ngakem batu idi tukang kayuh, idi teh ideh nemaré akan, luk rupen, idi umau saitun kuan bawang Sidon idi Sur ku libal kayuh tumuh rat Lebanon, luk iten maya' abpa' rayeh macing déi' Yopa, maya' bala Kores, raca' Parsi.

ESRA 4:3

Iamo' kebala Serubabel, Yesua, idi amung lun rayeh inul, “Na muyuh miak ngedengan nekai mudut aceh Ruma' kuan Tuhan Allah kai. Iamo' kai sebuleng mo' mudut ineh, maya' kudeng bala Kores raca' Parsi nekai.”

ESRA 4:5

Idi ideh nenuap tuda'-tuda' lun rayeh lun Parsi pad ideh ngesabeng nedeh. Ideh nenganau' kudeng ineh ruked imet Kores macing bang imet Raca' Darius.

ESRA 6:14

Idi amung lun rayeh-rayeh lun Yahudi pana' nemudut idi nemangeh pudut ineh dengan do' ngaceku ubuk Nabi Hagai idi Sakaria Ido. Ideh nemangeh pudut ineh maya' bala Allah lun Israil, idi maya' bala Kores, Darius, idi Artasasata raca'-raca' Parsi ineh.

ESRA 6:3

“Idi kareb lak luk pun-pun bang imet Raca' Kores, ieh nemaré bala ini. Do' Ruma' Allah luk déi' Yerusalim piduten baruh luun su luk inan maré baré luk kereten idi baré luk sabpen. Idi kidita'neh pulu' limeh depeh, idi pipangneh pana' pulu' limeh depeh.

YESAYA 44:28

KebalaKu ni Kores, “Iko ineh lun ngimet kuanKu; iko miak nganau' luk pianKu; iko miak ngecuk mudut Yerusalim baruh, idi nganau' apin Ruma' Allah pana'.’ ”

DANIEL 1:17

Allah nemaré inan apat anak adi' ineh ileh ratnan amung-amung surat idi teh terawé luk medalem. Idi Ieh nemaré ni Daniel ileh ngelio luk sinier idi nupi pana'.

DANIEL 1:21

Idi Daniel nengakem su ineh pad macing Kores mangun ku raca' Babil.

DANIEL 1:7

Lun rayeh lun duken raca' nemaré nedeh ngadan baruh, ieh ineh Beltesasar, Sadrak, Misak, idi Abednego.

DANIEL 10:14

Ui iné' mada' namu pad iko kali' ratnan luk miak mangun kuan pupumu muci. Ini aceh luk sirenmu ratnan luk mangun muci.”

DANIEL 11:2

Idi nekini Ui pian mada' namu ratnan luk matu.” Kebala Melaikat ineh, “Teluh raca' teh miak ngimet Parsi, idi pangeh ineh luk keapat, ieh ineh raca' luk meluun ula' binaweh ratnan raca' luk baken ineh. Idi kareb ieh pelaba tueh dengan pelaba ula' binaweh, idi ieh pian metueh ratnan imet Grika.

DANIEL 12:4

“Idi nekini, O Daniel, do' ngakeb surat ineh idi nganau' aceh etu luunneh, pad macing kareb luk kekiped. Idi kareb nateh kekipedneh mula' lemulun pian ngelio ratnan ilung luk mangun ineh.”

DANIEL 12:9

Idi kebalaneh, “Amé iko Daniel, ngaceku amung bala ini uen ngalum macing kareb luk kekiped.

DANIEL 2:21

Ieh luk ngimet amung kareb. Ieh luk mudut idi ngagka' raca'-raca'; Ieh maré ileh idi do' kali' kuan lemulun.

DANIEL 4:8

Pangeh ineh Daniel iné' negku (ieh ineh luk titen Beltesasar maya' ngadan allahku.) Idi Roh Allah luk Meligan idi bang neneh. Ngaceku ineh ui nemada' nupiku neneh.

DANIEL 5:12

Ieh luk pelaba ileh idi do' kali' ratnan ilung nupi, idi ngelio luk medalem idi luk inalum. Do' neteng ni Daniel (luk titen raca' Beltesasar) idi ngecuk neneh mada' ilung amung-amung ini.”

DANIEL 5:17

Idi kebala Daniel, “Na ui pian ku barému ineh. Do' maré ineh kuan dulun. Iamo' ui miak maca' luk inayud ineh idi mada' ilungneh kuan raca'.

DANIEL 6:28

Idi Daniel uen ngeperuan kareb imet Darius idi kareb imet Kores, lun Parsi pana'.

DANIEL 8:16

Idi ui neninger aceh tang lemulun luk nawar rat déi' dipar Abpa' Ulai, kebalaneh, “O Gabriel, mada' neneh ratnan ilung luk sinierneh ineh.”

DANIEL 8:26

Luk siniermu ineh ratnan baré pa malem idi pa pekak luk pangeh linio namu kali' rungen matu. Do' ngalum ineh, ngaceku mio teh luk siniermu ineh mangun.”

LUKAS 1:20

Iamo' iko na manu ku balaku luk miak uen ngacing bang kareb luk petulu. Ngaceku iko na manu, iko mebegkeh idi na miak peburi' pad macing aco jani'ku mangun.”

BALA LUK LINIO 19:9

Idi kebala melaikat negku, “Do' ngayud kudeng ini: Samal kuan lemulun luk tinawar amé' ku irau paweh Anak Dumba ineh.” Idi teh kebala melaikat ineh, “Ini bala Allah luk matu.”