DANIEL 1:9 - BALA LUK DO'

⁹ Idi Allah nenganau' Aspenas méi' kuan Daniel.

DANIEL 1:9 Iomraidhean Croise

PUDUT 32:28

Kebala Lemulun ineh, “Na iko miak tetanen Yakub peh, iamo' Israil, ngaceku iko pangeh mangun kudeng aceh raca' pa kiung Allah, idi pa kiung lemulun pana', idi iko pangeh metueh.”

PUDUT 39:21

Iamo' Tuhan nengedengan ni Yusup, idi Ieh nengeperuan neneh, pad lun rayeh luk nginita tutup ineh mawang niat neneh.

RACA'-RACA' LUK PUN-PUN 8:50

Maré do' ku sala'deh, idi ku amung dat luk pangeh inau'deh Namu, idi maré bunu'deh méi' nedeh.

NEHEMIA 1:11

O Tuhan, ninger sembayangku, idi sembayang amung demulunMu luk matot ku ngadanMu. Idi maré peruan negku bang aco sini, idi ngegio niat raca' pad ieh méi' negku.”

NEHEMIA 2:4

Idi kebala raca' negku, “Anun luk pianmu negku?” Idi ui nesembayang inan Allah Surga.

ESTER 2:9

Hegai méi' ni Ester idi ieh do' neneh. Idi petacu ieh nemaré neneh uen ngumau ku umau luk do' buen, idi ieh nemaré akan luk pelaba do'. Idi teh Ester luk meluun uen ngedita' arang decur baken, pad inan tudu' burur anak decur rat ruma' raca' luk pinili' mangun ku demulunneh.

AYUB 5:15

Iamo' Allah ngulun nelun masi' ratnan até; idi muit nelun luk melaya' rat nelun luk ngedereh nedeh.

AYUB 5:16

Ieh maré rapet nelun luk masi', idi niep tang lun luk dat.

NANI UBUR 106:46

Ieh nenganau' pupu luk nenaban nedeh méi' nedeh.

NANI UBUR 4:3

Do' ngerawé, Tuhan nemili' lemulun luk matu mangun ku pupuNeh. Ieh ninger negku kareb ui nawar Neneh.

BALE' 16:7

Kareb iko maya' pian Tuhan, bunu'mu miak mangun ku rurummu.

DANIEL 1:10

Iamo' kebala Aspenas ni Daniel, “Ui matot inan raca'. Ieh nemaré ukum ratnan luk kenen idi luk rupen muyuh. Kudeng muyuh na do' ulun mepad kudeng anak-anak adi' luk baken ineh, ui pitayenneh lek.”

KEKAMEN RASUL-RASUL 7:10

idi nemuit neneh ratnan amung-amung derehneh, idi nemaré neneh katu idi ileh pa kiung raca' Masir ineh luk nenganau' neneh mangun ku lun rayeh amung-amung tana' Masir idi amung-amung anak itinneh.