DANIEL 1:8 - BALA LUK DO'

⁸ Iamo' Daniel na pian uen ngelutak ku akan idi abpa' anggur rat bang ruma' raca'. Ieh nemutuh Aspenas, lun rayeh lun luk duken ineh, ngedengan neneh.

DANIEL 1:8 Iomraidhean Croise

RACA'-RACA' LUK PUN-PUN 5:5

Idi ui sikal mudut aceh Ruma' kuan Tuhan Allahku, maya' kudeng bala Tuhan kuan tamanku Daud, kebalaNeh, ‘Idi anakmu luk uenKu ngetudo muci luun kerusi imet ku libalmu, ieh miak mudut Ruma' ineh kuanKu.

NANI UBUR 106:28

Idi pupu Allah neperurum nedeh luk sembayang inan Baal déi' Pior, idi nekuman baré luk biré kuan akang luk na mulun.

NANI UBUR 119:106

Ui miak nginita jani'ku, idi maya' bada'Mu luk matu.

NANI UBUR 119:115

Buro rat negku, O muyuh luk mesala'! Ui sikal maya' amung ukum Allahku.

NANI UBUR 141:4

Ngimet negku pad ui na pian nganau' sala', idi na perurum dengan kekamen lemulun luk dat; idi na kuman iraudeh!

BALE' 23:3

Aleg iko manga ku akanneh luk do'. Kian, ieh pana' nutun namu lek.

DANIEL 1:5

Idi raca' nengecuk maré nedeh akan idi abpa' anggur ratnan téng raca' anid-anid aco. Pangeh ideh sibada' bang teluh lak ideh miak tuped pa kiung raca'.

DANIEL 5:4

Ideh nengirup abpa' anggur idi nengubur akang luk inau' ratnan amas, pirak, tekaling, belawan, kayuh, idi batu teh.

KEKAMEN RASUL-RASUL 11:23

Kareb ieh nacing idi nenier katu Allah, idi ieh mawang niat peh, idi ieh nemada' amung-amungdeh pad niatdeh lutep maya' Tuhan.

KEKAMEN RASUL-RASUL 15:20

Iamo' do' tau nguyud surat kuan lemulun ineh, pad ideh na kuman anun-anun luk melutak ngaceku biré kuan akang, idi pad ideh na pasét, idi na kuman pung luk naté nekaling, idi dara' pana'.

1 KORINTUS 7:37

Iamo' idé luk lutep niatneh dengan na sinaad, iamo' miak tuman na ngaweh, idi pangeh nengeletep niatneh na ngalap tudukneh ineh, idi kekamenneh ineh do' teh.

2 KORINTUS 9:7

Nima' anid-anid burur maré maya' katu niatneh, aleg dengan dat niat idi mesaad. Ngaceku Allah mawa inan lemulun luk maré dengan mawang niat.

BADA' RATNAN UKUM 32:38

luk nekuman lemak baré luk kirat muyuh ineh, idi luk nengirup abpa' anggur baré luk rupen ineh? Do' ideh ngedengan nemuyuh, pad muyuh inan luk inan sigapung.