AYUB 4:3 - BALA LUK DO'

³ Iko pangeh nemada' mula' lemulun idi nengetueh ticu'deh luk melaya'.

AYUB 4:3 Iomraidhean Croise

PUDUT 18:19

Ui pangeh nemili' neneh, pad ieh miak ngecuk anak-anakneh idi inulneh luk muci rat neneh ineh maya' ukumKu idi nganau' luk matu idi luk mesiri, pad Ui miak ngacing kuanneh anun-anun luk pangeh pijani'Ku neneh.”

ESRA 6:22

Idi ideh nenganau' Aco Rayeh Ruti luk Na Lamud tudu' aco kinioneh dengan mawang niat ngaceku Tuhan pangeh nengawang niatdeh ineh, idi Ieh nengegio niat raca' Asur pad ieh nengedengan nedeh nganau' Ruma' Allah lun Israil.

AYUB 16:5

Ui miak ngetueh nemuyuh ku bada'ku, pad ui ngubuk nemuyuh.

AYUB 29:11

Amung lemulun luk nenier negku idi luk neninger bala ratnan ui na miak na ngubur kekamenku.

AYUB 29:15

Ui nengedengan lun luk nebuser idi lun luk mekio'.

AYUB 29:16

Ui mepad kudeng taman kuan lun masi', idi ui nengedengan sakai luk inan susa'.

AYUB 29:21

Kareb ui ngubuk, amung lemulun pirud idi ninger amung luk bilaku do'-do';

AYUB 4:4

Kareb seburur luk melaya' idi merur metebaceng, balamu luk nengubuk neneh pad ieh tuman.

BALE' 10:21

Bala lemulun luk matu ngacing peruan kuan lemulun, iamo' bacé ngacing até namu.

BALE' 15:7

Lun mileh mo' luk ngacing ileh, iamo' baken lun luk mebacé.

BALE' 16:21

Lemulun luk mileh idi mepiteb, mebala ngaceku terawéneh luk muned, idi balaneh luk do' ngubuk lemulun.

YESAYA 35:3

Ngetueh ticu' luk merur, idi aleb luk megegker ku laya'.

YESAYA 50:4

Tuhan nemada' Negku ratnan luk belénKu, pelé Ui ngetueh lemulun luk merur. Anid pekak Ieh nganau' Negku geregan ninger luk badénNeh Negku.

YEHISKIEL 13:22

“Muyuh sikal metueh rat Negku. Muyuh ngesabeng lemulun luk matu ku balih muyuh, idi muyuh na nima' lemulun luk dat teketed ratnan sala'deh, pad ideh ngalap ulun.

SEPANIA 3:16

Karebneh miak macing idi ideh miak pebala kuan Yerusalim, “O bawang Sion, aleg matot! Aleg nima' ticu'mu melaya'!”

LUKAS 22:32

Iamo' Ui pangeh nesembayang kuanmu, pad anumu na metutu'; idi kareb iko pangeh nuren, do' iko ngepicet kinanak-kinanakmu.”

LUKAS 22:43

Idi nesilagan kuanNeh seburur melaikat rat surga nengetueh Neneh.

EPESUS 4:29

Aleg ngeruat bala luk dat, iamo' ngeruat bala luk do' idi luk petulu pad ngacing peruan kuan lemulun luk ninger bala muyuh ineh.

BADA' RATNAN UKUM 3:28

Do' maré kekamenmu kuan i Yusak, idi ngeletep idi ngeraben neneh. Ngaceku ieh luk miak guta pa atun pupu ini. Idi ieh teh miak nguyut nedeh ngalap tana' luk siniermu ineh.’

KOLOSE 4:6

Do' bala muyuh megéi' do' pedingeren, idi do' muyuh kali' kudeng apeh maré or luk do' kuan anid-anid lemulun.

IBERANI 12:12

Ngaceku ineh ngiding amung-amung ticu' luk melaya' idi aleb luk meliai!