AYUB 26:10 - BALA LUK DO'

¹⁰ Ieh matad acang ratnan dacem ku lakan iring langit.

AYUB 26:10 Iomraidhean Croise

PUDUT 8:22

Seruked tana' ini idi, inan kareb ngeranih idi nibu, teneb idi lau', udah idi merikan, macang idi medacem teh.”

AYUB 26:11

Diri langit megegker ku tot, kareb ideh ninger arod Allah.

AYUB 38:1

Idi rat bang barui Tuhan nepebala ni Ayub

AYUB 38:19

Kali'mu rat su apeh inan acang, idi teh rat su apeh inan dacem?

AYUB 38:20

Miakké iko mada' acang idi dacem ineh, ratnan ulekdeh idi teh su luk inandeh?

AYUB 38:24

Pangehké iko iné' su luk inan aco masat, idi su irat bui rat pa busat aco?

NANI UBUR 33:7

Ieh nengamung amung abpa' rayeh mangun ku sebuleng luk inan; idi Ieh nenganau' tuda'-tuda' ribaruh bang abpa rayeh ineh.

BALE' 8:27

Ui idi kareb Allah nemalad langit, idi nenganau' iringneh libut-libut abpa' rayeh.

BALE' 8:29

idi kareb Ieh nemebpeng abpa' rayeh na lemaba lakan luk litepNeh. Ui idi kareb Ieh nenganau' tapin tana'.

YEREMIA 5:22

Ui ini Tuhan; ngudeh muyuh na matot Negku, idi na megegker pa kiungKu? Ui nenganau' bada mangun ku lakan abpa' rayeh, aceh lakan luk meruked luk na miak labén. Sagan pana' mula' ribut, idi meberi, abpa' rayeh ineh na miak lemaba lakan ineh.