AYUB 22:3 - BALA LUK DO'

³ Inanké ulekneh kuan Allah, kudeng iko nganau' luk do' idi luk matu?

AYUB 22:3 Iomraidhean Croise

INUL LUK PUN-PUN 29:17

Ngaceku ui kali', O Allahku, Iko teh nutun niat lemulun, idi Iko teh pian ku niat luk matu. Idi dengan niat luk mawang idi matu ui pangeh nemaré amung binaweh ini. Idi nekini ui pangeh nenier pupuMu luk idi ieni nguit barédeh kuanMu dengan niat luk mawang idi meran.

AYUB 21:15

Anunké ulekneh kai maya' Allah idi sembayang Neneh?”

AYUB 22:4

Na Allah mada' namu idi ngukum namu, ngaceku iko matot Neneh mo';

AYUB 34:9

Kebalaneh, na tu ulekneh maya' luk pian Allah.

AYUB 35:7

Kudeng iko nganau' luk matu, anunké ulekneh kuan Allah? Anunké luk lapen Allah rat namu?

NANI UBUR 119:59

Ui pangeh nengerawé kekamenku, idi pejani' maya' ukumMu.

NANI UBUR 39:1

Kebalaku, “Ui miak matar do'-do' ratnan luk ruenku, pad balaku na mesala'. Ui na mala anun-anun kareb lemulun luk dat muneng.”

BALE' 11:1

Tuhan megateh inan lemulun luk makai timang luk na petulu. Iamo' Ieh mawang niat ku timang luk matu.

BALE' 11:20

Tuhan megateh inan lemulun luk ngerawé luk dat, iamo' Ieh mawang niat inan lemulun luk nganau' luk matu.

BALE' 12:22

Tuhan megateh inan lemulun luk mebalih, iamo' Ieh mawang niat inan lemulun luk maya' jani'deh.

BALE' 15:8

Tuhan mawang niat kareb lemulun luk do' sembayang, iamo' Ieh megateh niat ku baré luk iten lemulun luk dat.

BALE' 9:12

Iko luk uen ngeperuan kudeng iko mileh. Iamo' kudeng iko ngarung ileh, iko luk medereh.

MALAKI 2:17

Tuhan musam ninger bala muyuh. Iamo' kebala muyuh, “Musam ngudeh Ieh lek?” Ngaceku muyuh mala, “Tuhan luk Melalud ngerawé amung lun mesala' do', idi mawang niat nedeh.” Idi teh muyuh mala, “Iapeh Allah luk ruendeh matu di?”

KEKAMEN RASUL-RASUL 24:16

Ngaceku ineh ui megéi' ngekél bururku sebuleng pad teruayen niatku na mesala' pa kiung Allah idi pa kiung lemulun pana'.

2 KORINTUS 7:1

Amung ini pangeh biré kuan tau, O lun rurumku. Ngaceku ineh do' tau ngeligan burur tau ratnan amung luk ngelutak burur idi niat, idi ngeriput ligan tau dengan matot inan Allah.

PILIPI 4:18

Ui pangeh nengalap amung-amung ineh, idi teh, meluun ratnan luk petap. Idi ui pangeh nengalap mela ngaceku ui nengalap rat ni Epaproditus amung baré muyuh. Baré ineh mangun ku aceh buen luk do' idi baré luk pian idi luk petulu dengan Allah.