AYUB 2:4 - BALA LUK DO'

⁴ Kebala Sétan, “Seburur lemulun miak maré luk amung-amung pad ieh mulun.

AYUB 2:4 Iomraidhean Croise

PUDUT 47:17

Idi ideh nenguit aya'deh iné ni Yusup. Idi ieh nemaré akan kuandeh ku libal kuda, amék, dumba, sapi', idi keladaideh ineh. Idi ieh nemaré akan kuandeh bang lak ineh, ngaceku ratnan aya'deh.

PUDUT 47:19

Aleg nima' nekai maté. Do' ngedengan nekai, pad tana' kai na uen nuso. Do' melih burur kai idi tana' kai mangun ku libal akan luk kuan kai, pad kai mangun ku demulun raca', idi tana' kai kuanneh. Do' iko maré pimara kuan kai pad kai miak mulun, idi tana' kai na mesuso.”

RACA'-RACA' LUK PUN-PUN 20:31

Idi kebala lun tarehneh neneh, “Kai ini pangeh neninger amung raca' lun Israil ineh do' niat idi méi'. Ngaceku ineh do' nima' nekai ngayung ku kibung guni idi nganau' nuper luun dier kai, idi amé' matun raca' Israil, pelé ieh na ngaté namu.”

AYUB 2:3

Kebala Tuhan, “Kali'mu demulunKu Ayub? Luun tana' ineh seburur pana' nateh luk lutep idi do' mepad kudeng ieh. Ieh sembayang Negku idi na pian nganau' luk dat. Iko luk nengubuk Negku, pad Ui nenima' namu ngedereh neneh, dengan na punneh, iamo' Ayub lutep idi do' niat macing nekini.”

AYUB 2:5

Iamo' kudeng Iko ngedereh bururneh sebuleng, ieh miak nguyo namu.”

BALE' 13:8

Lun do' makai usin pad matar ulunneh, iamo' lun masi' na uen lun ngesusa'.

YEREMIA 41:8

Iamo' arangdeh inan pulu' burur lemulun luk nepebala ni Ismail, “Aleg ngaté nekai! Kai inan padé, ikun, umau saitun, idi duru' inapung déi' lati'.” Idi na ieh nengaté nedeh dengan lun rurumdeh.

MATIUS 16:26

Ngaceku anunké ulekneh kudeng selemulun ngalap amung-amung tana' ini, iamo' na ieh ngalap ulun luk meruked? Idi anunké luk miak barén lemulun ku libal ulunneh?

MATIUS 6:25

“Ngaceku ineh Ui pebala nemuyuh, aleg merapang ratnan ulun muyuh, ieh ineh ratnan luk miak kenen muyuh idi luk urpen muyuh; idi ratnan ayung kuan burur muyuh. Naké ulun ineh meluun ratnan luk kenen idi burur ineh meluun ratnan ayung?

LUKAS 12:23

Ngaceku ulun ineh meluun raga ratnan luk kenen, idi burur ineh meluun raga ratnan ayung.

YUSAK 9:24

Idi kebala lun Gibion ineh ni Yusak, “O tuan, kai nenganau' kudeng ineh ngaceku kai nesibada' ratnan bala Tuhan Allah muyuh ni Musa, ratnan Ieh pian maré aput tana' ini nemuyuh, idi pian ngaté amung lun luk mudeng bang bawang ini pa kiung muyuh, pad kai pelaba tot pitayen muyuh.