AYUB 2:3 - BALA LUK DO'

³ Kebala Tuhan, “Kali'mu demulunKu Ayub? Luun tana' ineh seburur pana' nateh luk lutep idi do' mepad kudeng ieh. Ieh sembayang Negku idi na pian nganau' luk dat. Iko luk nengubuk Negku, pad Ui nenima' namu ngedereh neneh, dengan na punneh, iamo' Ayub lutep idi do' niat macing nekini.”

AYUB 2:3 Iomraidhean Croise

PUDUT 6:9

Ini bala ratnan Noh. Ieh inan teluh anak, Sem, Ham, idi Yapet. Noh ineh selemulun luk matu idi mesiri niat arang lemulun bang kareb ineh. Idi ieh perurum dengan Allah.

SEMUIL LUK KEDUEH 20:20

Idi kebala Yoab, “Na tu-tu ui ngedat idi ngedereh bawangmu ineh!

AYUB 1:1

Inan aceh lemulun luk ngadan Ayub, luk tudo bang bawang Us. Ieh sembayang inan Allah idi lutep maya' Neneh. Ieh ineh aceh lemulun luk pelaba do', idi luk na pian nganau' anun-anun luk dat.

AYUB 1:11

Iamo' kudeng Iko ngalap amung binawehneh, kali' rungen ieh ngediman Namu.”

AYUB 1:6

Idi kareb aco luk inan melaikat amé' papu' Tuhan, Sétan idi arangdeh.

AYUB 1:8

Kebala Tuhan, “Kali'mu demulunKu Ayub? Luun tana' ineh, seburur pana' nateh luk lutep idi do' mepad kudeng ieh. Ieh sembayang Negku idi na pian nganau' luk dat.”

AYUB 13:15

Na luk ku rapetku, nima' Allah ngaté negku. Ui pian besara' pa kiungNeh.

AYUB 2:2

Kebala Tuhan neneh, “Rat iapehké iko?” Idi kebala Sétan, “Ui lawé-lawé luun tana'.”

AYUB 2:4

Kebala Sétan, “Seburur lemulun miak maré luk amung-amung pad ieh mulun.

AYUB 9:17

Ieh maré barui, pad Ieh necat idi ngeritep negku, dengan na punneh.

AYUB 9:20

Ui na mesala', idi ui lutep maya' Tuhan, iamo' balaku luk ngesala' idi ngukum negku.

NANI UBUR 26:1

Mala negku na sala', O Tuhan, ngaceku ui nganau' luk mesiri, idi merapet tu-tu Namu.

NANI UBUR 37:37

Nier lemulun luk do' idi lemulun luk matu; mula' inul lemulun luk pian pedo';

NANI UBUR 41:12

Iko ngedengan negku, ngaceku ui do'. Iko matar negku pa kiungMu macing ruked-ruked.

BALE' 11:8

Lemulun luk matu puatin ratnan susa'. Iamo' susa' macing kuan lemulun luk dat.

BALE' 13:6

Luk matu matar lemulun luk na mesala'. Luk dat ngacing ebpeh lun mesala'.

BALE' 14:2

Kudeng iko matot inan Tuhan, iko maya' dalan luk mesiri, iamo' lemulun luk nganau' luk tekilu' na ngerawé Allah.

BALE' 15:8

Tuhan mawang niat kareb lemulun luk do' sembayang, iamo' Ieh megateh niat ku baré luk iten lemulun luk dat.

BALE' 16:17

Lemulun luk do' mili' dalan luk mado ratnan luk dat. Lemulun luk matar lawéneh nginita ulunneh.

YAHYA 9:3

Idi kebala Yésus, “Baken lemulun ini nebuser ngaceku sala'neh sebuleng idi sala' taman-tinanneh, iamo' pad lalud Allah miak uen ngegala' bang ulunneh.

PILIPI 3:12

Baken ayu-ayuneh ui pangeh nacing, idi pangeh mangun meriput; iamo' ui mekél matun Neneh, pad ui miak ngimet meraben mepad kudeng ui pangeh inimet Keristus Yésus.

YAKUB 1:12

Samal kuan lemulun luk mulai niat mabeh amung-amung tutun, ngaceku pangeh ieh tuman ratnan tutun, ieh miak ngalap pata ulun, luk pijani' Tuhan kuan amung-amung lemulun luk mawa Neneh.

1 PETRUS 1:7

pad anu muyuh luk matu uen ngegala'. Amas pana' luk miak melu ineh uen nutun ku apui, idi anu muyuh luk meluun raga ratnan amas, na miak na uen nutun, pad ieh meraben. Kareb ineh muyuh miak ngalap ubur, rayeh, idi dita', kareb Aco Yésus Keristus uen ngegala'.

1 PETRUS 5:10

Idi Allah, lawa amung-amung katu, luk pangeh nenawar nemuyuh semuet bang rayehNeh luk meruked bang Keristus, kareb muyuh pangeh nengalap dereh bang segageh mo', idi Ieh luk miak ngeligan nemuyuh idi ngeraben nemuyuh idi ngetueh nemuyuh pana'.