1 Ui musam mulun. Nier kudeng apeh ét niatku.
Iamo' Elia sebuleng iné' déi' su luk ali-ali, kiado delanin seaco. Idi ieh netudo iang kayuh aru'. Idi ieh nesembayang mutuh Tuhan ngalap niatneh, kesembayangneh, “Petap derehku nekini, O Tuhan! Ngalap mo' niatku. Meluun do' ui maté!”
Ui pian ruenMu ngapung mulun bang su luk inan lun naté; nima' negku uen ngapung, pad usehMu manud, idi ngeletep aco luk inanMu ngerawé negku.
Sagan tu pana' ui nganau' sala', na muyuh mét ku ineh.
Ieh ngulun namu kareb inan iru', idi matar namu ratnan até, kareb inan bunu'.
Muyuh ngerawé balaku mepad kudeng bui; ngudehké muyuh ngua' luk bilaku karebku mesusa'?
Ui na miak ungeng! Ui mesusa' idi museh! Na miak na ui pebala!
Ara' ui mulun. Mabud tuehku! Do' necan negku. Na ulek ulunku.
Ui na mesala', iamo' na mekudeh. Ui musam mulun. Na mekudeh; mesala' idi na mesala', Allah miak ngaté netau.
Anunké luk miak balénku? Tuhan pangeh nenganau' ini. Niatku mesusa' pad ui na medacep mateh.
Susa' niatku miak misu' ku awang. Iko ngulun negku ratnan amung dereh; Iko maré do' ratnan amung sala'ku.
O Tuhan, do' ngalap niatku nekini, ngaceku meluun do' ui maté.”
Idi kareb aco masat Allah nemaré aceh bui luk melau' rat pa busat aco, idi Yunus lélé nelepu ku ét idang. Idi ieh pian maté. Kebalaneh, “Meluun do' ui maté.”
Kudeng Iko nganau' kudeng ineh kuanku, meluun do' Iko ngaté negku. Kudeng Iko méi' negku, aleg ngedereh negku.”
