AYUB 1:8 - BALA LUK DO'

⁸ Kebala Tuhan, “Kali'mu demulunKu Ayub? Luun tana' ineh, seburur pana' nateh luk lutep idi do' mepad kudeng ieh. Ieh sembayang Negku idi na pian nganau' luk dat.”

AYUB 1:8 Iomraidhean Croise

RACA'-RACA' LUK KEDUEH 23:25

Idi raca' luk atun rat neneh pana' na mepad kudeng ieh luk uren inan Tuhan dengan amung niatneh, terawéneh, idi tuehneh, maya' amung Ukum Nabi Musa. Idi muci rat ni Yosia nateh raca' luk kudeng ieh.

NEHEMIA 5:15

Pengulu-pengulu luk ngimet atun rat negku mangun ku aceh babeh luk meberat kuan lun mula' ngaceku ideh nemutuh apat ngepulu' balad pirak seaco ku melihdeh akan idi abpa' anggur. Demulundeh pana' nengedereh nelun mula'. Iamo' na ui nenganau' kudeng ineh, ngaceku ui matot inan Allah.

AYUB 1:1

Inan aceh lemulun luk ngadan Ayub, luk tudo bang bawang Us. Ieh sembayang inan Allah idi lutep maya' Neneh. Ieh ineh aceh lemulun luk pelaba do', idi luk na pian nganau' anun-anun luk dat.

AYUB 12:4

Lun rurumku pana' situnga negku nekini; ideh meriruh, sagan tu pana' ui ini matu idi na mesala'. Iamo inan aceh kareb Allah nengua' sembayangku.

AYUB 2:1

Idi kareb aco luk inan melaikat amé' papu' Tuhan sekua' teh. Sétan idi arangdeh.

AYUB 2:3

Kebala Tuhan, “Kali'mu demulunKu Ayub? Luun tana' ineh seburur pana' nateh luk lutep idi do' mepad kudeng ieh. Ieh sembayang Negku idi na pian nganau' luk dat. Iko luk nengubuk Negku, pad Ui nenima' namu ngedereh neneh, dengan na punneh, iamo' Ayub lutep idi do' niat macing nekini.”

AYUB 34:14

Kudeng Allah ngalap lemubed niat lemulun,

AYUB 8:20

Iamo' Allah na necan lemulun luk lutep maya' Neneh, idi na Ieh ngedengan lemulun luk dat.

NANI UBUR 18:23

Ieh kali' ui na mesala', idi ui nematar bururku ratnan luk dat.

NANI UBUR 34:14

Ugka' ratnan luk dat idi nganau' luk do'; nakap pedo' pad miak ngalap neneh.

NANI UBUR 36:1

Sala' ngayek bang niat lemulun luk dat; ieh ngarung Allah idi na matot Neneh.

NANI UBUR 37:27

Ugka' ratnan luk dat, idi nganau' luk do', idi iko miak mudeng bang bawang ruked-ruked;

NANI UBUR 84:11

Tuhan ineh utap kai idi raca' kai luk rayeh, Ieh ngedita' nekai idi ngeperuan nekai dengan éi'. Na Ieh ara' maré luk do' kuan lemulun luk nganau' luk matu.

NANI UBUR 89:20

Ui nemili' demulunKu Daud, idi nengumau neneh ku umauKu luk meligan.

BALE' 8:13

Lemulun luk matot inan Tuhan megateh inan luk dat. Ui megateh inan dita' niat idi sido' niat, dalan luk dat idi bala luk mebalih.

YESAYA 1:16

Do' muyuh sibaru'. Ugka' ratnan amung kekamen luk dat luk kali'Ku. Matu, do' muyuh ugka' ratnan nganau' luk dat,

YESAYA 42:1

Kebala Tuhan, “Ini DemulunKu luk uenKu ngetueh — Lun luk pinili'Ku luk inanKu mawang niat. Ui nemanu' Neneh ku laludKu; Ieh ngacing luk mesiri kuan amung pupu.

YEHISKIEL 40:4

Kebalaneh negku, “O lemulun, do' iko nier. Ninger do'-do' idi ngerawé ratnan amung-amung luk badénku sirenmu, ngaceku ineh punneh iko inuit amé' tungé'. Do' iko mada' nelun Israil ratnan amung-amung luk sirenmu napeh.”

IAP 12:3

Idi Musa ineh aceh lemulun luk pelaba beneh niat rat nelun baken.)

YAHYA 1:47

Kareb Yésus nenier Nataniel macing Neneh, idi Ieh nepebala ratnan ieh, “Siruh, seburur lun Israil luk matu, idi luk na naluk teh!”

YUSAK 1:2

“DemulunKu Musa pangeh naté. Nekini do' iko gugkang idi nalan amé' guta Abpa' Yarden ineh dengan amung lun Israil, idi amé' bang bawang luk barénKu nemuyuh.

YUSAK 1:7

Do' iko metueh idi mekuu', idi mekél maya' amung ukum luk bida' demulunKu Musa namu. Aleg iko umai ratnan ineh, pelé iko inan peruan iapeh-iapeh su luk ulekmu muci.