AYUB 1:6 - BALA LUK DO'

⁶ Idi kareb aco luk inan melaikat amé' papu' Tuhan, Sétan idi arangdeh.

AYUB 1:6 Iomraidhean Croise

PUDUT 6:2

idi anak-anak deléi luk ratnan Allah nenier anak-anak decur luk ratnan lemulun pelaba do' taga, idi ideh nengalap nedeh ku awandeh padpad piandeh.

PUDUT 6:4

Idi bang kareb ineh inan mula' lemulun luk medita' idi rayeh bang tana' ini, idi muci ratnan ineh peh, pangeh anak-anak deléi luk ratnan Allah nepamung dengan decur-decur luk ratnan lemulun, idi ideh nenginul tuda'-tuda' anak. Idi anakdeh ineh mesangit idi luk mebala bang kareb luk mon.

RACA'-RACA' LUK PUN-PUN 22:19

Idi kebala Mikaya, “Ninger iko bala Tuhan. Ui pangeh nenier Tuhan tudo luun kerusiNeh. Idi amung melaikat luk déi' surga tuped pekop iringNeh.

INUL LUK PUN-PUN 21:1

Sétan pian ngesusa' nelun Israil, idi ieh nengubuk ni Daud pelé ieh ngiap kinula' lun Israil.

INUL LUK KEDUEH 18:20

Idi aceh ada' iné' pa kiung Tuhan, kebalaneh, ‘Ui miak ngubuk neneh.’ Idi Tuhan nengitun neneh, ‘Dengan anun?’

AYUB 2:1

Idi kareb aco luk inan melaikat amé' papu' Tuhan sekua' teh. Sétan idi arangdeh.

AYUB 2:3

Kebala Tuhan, “Kali'mu demulunKu Ayub? Luun tana' ineh seburur pana' nateh luk lutep idi do' mepad kudeng ieh. Ieh sembayang Negku idi na pian nganau' luk dat. Iko luk nengubuk Negku, pad Ui nenima' namu ngedereh neneh, dengan na punneh, iamo' Ayub lutep idi do' niat macing nekini.”

AYUB 38:7

Aco sineh, kareb aco masat amung gituen menani dengan awang niat dengan anak-anak Allah.

NANI UBUR 103:20

Ngubur Tuhan, O muyuh melaikat luk metueh idi melalud, idi luk maya' ukumNeh, idi luk ninger luk belénNeh!

DANIEL 3:25

Idi kebala raca', “Ngudehké ui nier apat burur lemulun nalan bang apui ineh? Na ideh inabet idi na ideh neseb — idi luk keapat ineh mepad kudeng aceh allah ayuneh.”

SEKARIA 3:1

Bang aceh luk sinier teh Tuhan nemada' Yosua, Imam Rayeh, sirenku Ieh netuped pa kiung melaikat Tuhan. Idi Sétan netuped iring Yosua pian ngadu' neneh.

MATIUS 18:10

“Matar do'-do' idi aleg muyuh ngedat sebuleng rat arang anak-anak luk isuut ini; ngaceku Ui pebala nemuyuh, déi' bang surga melaikat-melaikatdeh nier kidi-kidi kiung TamanKu luk bang surga.

LUKAS 22:31

“O Simun, Simun! Siruh! Sétan pangeh nemutuh nutun nemuyuh, pad ieh tunap nemuyuh mepad kudeng padé.

LUKAS 3:38

anak Enos, anak Sét, anak Adam, anak Allah.

YAHYA 6:70

Idi kebala Yésus nedeh, “Bakenké Ui nemili' nemuyuh luk pulu' dueh burur ini? Iamo' inan seburur rat arang muyuh luk mangun ku sétan.”